WARA'AMI 43 - Biblía Axweesantá Hhohho' ar Mungú 2004

Firór heé taa óh nee wakuuse

¹ Mungú, án aleekalaa/áng, án aleeawáng dír múk gurtleemuú koomaakahe, wangexwaaráng dír múk al/aymuuse nee oo tlakwe, kudá' gan'amuú koomaaká.

² Asma Mungú, kuúng a baqmor'eé'. Asma milá misa kwáhh? Asma milá, mas taamberuús ar tsuunqumis wakusmo iwa baramaanuusi?

³ Án gwa/aateemawók i iihardihiye', looeemaawók án i geerahariye', i hardahaasiye' amór tloomaarók tidá' hhoohhoo', dír hotaarirók.

⁴ Daqaní an tláw amór Mungú, ay dír ilahhooa kawa hanmaamisi. Asma Mungú a qwal/uueé' nee bar/uueé'. Án u xirfayeemiís ar daa'ángw gidaandoori, kuúng AAKOÓ MUNGÚ, Munguúeé'.

⁵ Aníng gár nis gurhaamuut a milá? Nee mahar amoqwaqwadiím baraeene? Mungú un harahhiíf, asma aníng u malé xirfayeés, kuduú alee/isusmooeé' nee Munguúeé'.