WARA'AMI 3 - Biblía Axweesantá Hhohho' ar Mungú 2004

Firór matlaatle as alee/isaay

(Wara'amtá Daudi. Qoomár iwa goów asma garmaawós Absalomu)

¹ AAKOÓ MUNGÚ, wakuuser'eé' ka yaariir, aa ló'wa tláhh! Awa aníng i /amatsegiitá' ki yaariir.

² Múk yaariír barta axwees daandueene ta kaahi, «Alee/isaywós i kaahh dír Munguhe.»

³ AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

⁴ AAKOÓ MUNGÚ un ateetiím, inós i mu/aywaats iimír tloomarós ar hhoohhoó' wa ale.

⁵ Aníng an qaát nari guú', naagáy nari tláw gu'uteero, asma AAKOÓ MUNGÚ aníng in baqamín.

⁶ Wakuusér kumér kúm a da'ayuumitaaká, tidá' aníng iga harwet bihhe sleémeerowo.

⁷ AÁKO, Munguúeé', qwaláng, án ba/amisáng. Asma wakuuser'eé' aga taqeesama' sláhh sleémeero, tlakuuse ana /uureemo hingés.

⁸ Ba/ama dír ni dahh a amór AAKOÓ MUNGÚ, tsuuqaawók masók i gawaá mukók.