WARA'AMI 23 - Biblía Axweesantá Hhohho' ar Mungú 2004

AAKOÓ MUNGÚ a de'eemusmooeé'

(Wara'amtá Daudi)

¹ AAKOÓ MUNGÚ inós an de'eemusmooeé', gár aníng iwa /aaruw i káhh.

² Aníng in hungu/uus baraá qawtantá gitsór naa/, in geerahaar afaá dahhsantá yaaeero.

³ Aníng in /uuruú /abén i hanmiis, nee in geeraharahaar baraá loohír ganaa'a as umuuwós.

⁴ Aníng tam waaraahha ar baraá giwtír tsaxwaá gwa'ara, muruú tlákw u daimiitaaká, asma kuúng a dinkwa nee aníng. Qadisaywók nee hhartók in gurkwa/amisiyá'.

⁵ Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

⁶ Ar ló', hhooeemaawók nee gurtleemuuwók a dinkwa nee aníng deelo sleémeero ar slafingw'eé', nee aníng a hoót baraá doó AAKOÓ MUNGÚ wa ale ay kureeraá kureér.