WARA'AMI 150 - Biblía Axweesantá Hhohho' ar Mungú 2004

AAKOÓ MUNGÚ i xirfuuti

¹ AAKOÓ MUNGÚ xirfayeemisaak! Mungú xirfayeemisaak dirós tidá' hhoohhooe, inós xirfayeemisaak gawaá doorií wa ale.

² Xirfayeemisaak as tlehhmi'iiwós kudá' uren, xirfayeemisaak ar har qoomoó yaareemaá uraywós.

³ Xirfayeemisaak ar afór tarumbeéta, xirfayeemisaak ar gitaa nee seése.

⁴ Xirfayeemisaak ar oowi nee ni/ima. Xirfayeemisaak ar seése nee filiímbi.

⁵ Xirfayeemisaak ar mitingiraay. Xirfayeemisaak ar mitingiroó ló'wa tsingilieeliím.

⁶ Umuúqo gár hiinsluú kooma AAKOÓ MUNGÚ ngu xirfayeemis! AAKOÓ MUNGÚ xirfayeemisaak!