WARA'AMI 15 - Biblía Axweesantá Hhohho' ar Mungú 2004

Mulqumoó Mungú

(Wara'amtá Daudi)

¹ AAKOÓ MUNGÚ, heé hotángw dír do'ók gu aleesláw a heemá? Nee hotángw gawaá tloomarók tidá' hhoohhoo' heé gu aleesláw a heemá?

² Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

³ A heedá' múk kaantimaaká, a heé gár tlaakw ga sla'aaká ngiwa mulqumoowósí tleehhi, laqaá tam inslaawmoowós nguwa safooli.

⁴ Heewí tlakuuse gan waaqaqaa', nee múk AAKOÓ MUNGÚ slaá' gun ilaiwawaa/. Gár aa al'axweesantá wa qaás ga warqeesiiká tam bir aleemaá huwahúp dirose.

⁵ Gár aa kirkitís ga slaasláwárí iinuusiiká, tam slukuma ga ohinká as hariímár heé dakuús wásl ngiwa qwaareesi. Heé muruú adoorí gu tlehhahhiít ku hingeesiiká ay kureeraá kureér.