WARA'AMI 134 - Biblía Axweesantá Hhohho' ar Mungú 2004

Xirfayemisuú Mungú

(Daa'ángw ta daa'a'ati tawa Siyonír i tsa/a/an)

¹ Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweeraawo baraá Doó AAKOÓ MUNGÚ wa ale.

² Dabaahúng gáwtí tleesaak amoodá' hhoohhoó' i alé, AAKOÓ MUNGÚ xirfayeemisaak!

³ AAKOÓ MUNGÚ kuungá' nu tsuuqi baraá Siyonír wa ale, kudá' doori nee yaamu gaa tleehh.