WARA'AMI 131 - Biblía Axweesantá Hhohho' ar Mungú 2004

Firór heé Mungú gwa harahhiif

(Wara'amtá Daudi)

¹ AAKOÓ MUNGÚ, muunaáeé' i dara/anká, nee ilaaeé' sleeme i gáwtá ga/aya'aaká. Tam muruú dirén u leelehhiitaaká. Tam muruú /uuruueé' gu arba/abaá/ u leelehhiitaaká.

² Ala aníng aga hungu/uús nee aga xasliít, adór na/oó taa xasltís dír isángw aayoorós. Muunaáeé' a adór na/oó taa xasltís.

³ Israéli, kuúng AAKOÓ MUNGÚ harahhifeek, iimír hamí ay alhhe'eesay wasle.