WARA'AMI 130 - Biblía Axweesantá Hhohho' ar Mungú 2004

Firo as alee/isaay

(Daa'ángw ta daa'a'ati tawa Siyonír i tsa/a/an)

¹ AAKOÓ MUNGÚ, aníng kuúng u i /aa/amiím, baraá slahh'amueé' kwí oo istá gwa'araro.

² Aáko, afor'eé' iiárií qaaseek, Iiaawoge firor'eé' tí niwa slahhahhaa' axaaseek.

³ Xáy, AAKOÓ MUNGÚ, geera kuúng barnaxes tlakweemaarén in fadita, heé sihhtanór dír geeraawók ga qiítl a heemá, Aáko?

⁴ Ala dír kuunge gurtleemuú tlakweema i deer, as kahhó' atén kuúng uwa ilaiwawa/aan.

⁵ Aníng AAKOÓ MUNGÚ un daamaraám, muunaáeé' AAKOÓ MUNGÚ gun daamarán, axweesantós aga harahhiíf.

⁶ Aníng AAKOÓ MUNGÚ u ló'wa daamaraám, ta ak xuumuusér xweera matlaatle ngir daamaraanda, ta ak xuumuuse looatleemu ngur daamaraanda.

⁷ Israeli, kuúng AAKOÓ MUNGÚ na harahhifeek. Asma AAKOÓ MUNGÚ sla'aarír warqawaaká ga kón, nee deelo sleémeero muu gu ba/amisár wa slaa'.

⁸ Inós múk Israeli gu ba/amis, baraá tlakweemaaín sleémeerowo.