WARA'AMI 13 - Biblía Axweesantá Hhohho' ar Mungú 2004

Firo as alee/isaay

(Wara'amtá Daudi)

¹ AAKOÓ MUNGÚ, ay xaylá i gunqareemamis? I gunqarésa ay alhhe'eesay wasle? Ay xaylá gitsee/awók ki lu/a/iin dir'eene?

² Ay xaylá ni slahhahhaa' baraá muunaáeene, nee umuú deeloro niwa gurhaamamuut? Ay xaylá wakuuser'eé' i arba/a/at?

³ AAKOÓ Munguúeé', aníng i qaytsitáng iwa mu/aywats. Án slaqwahhooárí ki/isáng mawa guú' ar gu'utér huwisha.

⁴ Ma ya/aamaar wakuuser'eé' iwa o', «Kwí ugwa arba/aán.» Ma ya/aamaar wakuuser'eé' huu'umaeé' ngiwa saqwalala/.

⁵ Ala aníng sla'aarirók ar warqawaaká aga harahhiíf, nee muunaáeé' ba/amaarók ga saqwalalaa/.

⁶ AAKOÓ MUNGÚ, án kuúng u i daá' asma kuúng iga hhooeemaá i tlehhaahhít.