WARA'AMI 129 - Biblía Axweesantá Hhohho' ar Mungú 2004

Firo as wakuusér múk Israeli kawa arba/i

(Daa'ángw ta daa'a'ati tawa Siyonír i tsa/a/an)

¹ Hám daxta Israeli i ooi, «Aníng taa ló'wa baramaanuús iimír masoombi'iimar'eene.

² Aníng ta ló'wa baramaanuús iimír masoombi'iimar'eene, ala taa aslayká.

³ Daanduueé' kwa ló'wa muúx, mulkáy iri ganaanaá' adór hha'aá qaymo.»

⁴ AAKOÓ MUNGÚ in gan'amuú kón, inós iga gweér baraá him'ér múk tlakwe.

⁵ Mukdaádá' Siyoni gaa aahh, aluú i ki/isek ar mure.

⁶ Inooín masók tan adór gitsór gawaá daanduú do' tleehhiit, tidá' kah dír ira harma/iká,

⁷ tidá' heé ga tlaáq kuunday nguwa dalaa/iiká, laqaá heé burumburiím ilaangw nguwa bu'utisiiká.

⁸ Heé bihhaadár waaraáhh i kaahh oo gi báw, «AAKOÓ MUNGÚ nu tsuuqi! Tundu tsuuqi ar umuú AAKOÓ MUNGÚ.»