WARA'AMI 128 - Biblía Axweesantá Hhohho' ar Mungú 2004

Tsuuqaá AAKOÓ MUNGÚ

(Daa'ángw ta daa'a'ati tawa Siyonír i tsa/a/an)

¹ Heé amohhoó' a kudá' AAKOÓ MUNGÚ gu haratlintatií', kudaádá' lohdaá AAKOÓ MUNGÚ gi eeharahár.

² Muruú /aymarók un sleér ar gadiyér dabaawók, kuúng an qwalaalá/ nee an diihhe'és.

³ Hareerók baraá do'oge a adór xa'anoó sabiíbu, kuduú mamaá yariir gi koóm. Na/iiwók kudá' nee kuúng al/ayimá', a adór harma/atá xa'anoó seituúni.

⁴ Qaytsiít, adoorí an adór kur tsuuqi, heé AAKOÓ MUNGÚ gu ilaiwawaá/.

⁵ AAKOÓ MUNGÚ u tsuuqi Siyonír wa ale, as kuúng diihhooár Yerusalemu kawa aan baraá slafiingók sleémeero,

⁶ as kuúng tawa hot ay nángw naangók kuwa aan. Wayda masók i dír Israeli.