WARA'AMI 127 - Biblía Axweesantá Hhohho' ar Mungú 2004

Mungú bir kaahh gadiyér hee a tawo

(Daa'ángw ta daa'a'ati tawa Siyonír i tsa/a/an. Wara'amtá Solomon)

¹ AAKOÓ MUNGÚ barnaxes do' ngwa tleehhiiká, mukdá' doó tleéhh, a gadiyér tawo gan tleehh. AAKOÓ MUNGÚ bar gixsa ga xunká, heedaádá' ga xuúm, in tawo xún.

² Gadiyérhúng a tawo kuungásingá' tseewa tlaatlawá' qatuuwo tari tligá' qata eemuuwo, nee muruú /aymár slahh'amaaye kuri /agá'. Asma Mungú mulqumoowós gun muruuwós i haniis tam i gui.

³ Ga/aaweek, na/ii an aalír AAKOÓ MUNGÚ naa haniís, xwayla an tsuuqaawós.

⁴ Daaqoó taa laqwál qoomár masoombi'iimaroge, an adór maheeraá baraá dákw migusmo.

⁵ Heé amohhoó' a kudá' na/aá yaariir gaa laqwaal. Heewí ku mureekeesiiká, bar ta axwees nee wakuuse baraá doó sakwasleemaro.