WARA'AMI 123 - Biblía Axweesantá Hhohho' ar Mungú 2004

Firo as gurtleemu

(Daa'ángw aa'aá deelór ur ar qwal/amaaye)

¹ Án kuúng ugwa i qaytsiít, kuúngudá' aga iwit gawaá doorií ale.

² Adór sagadiyuuse aakoodá' ta sagadiyuusi kur harahhifi, adoodá' sagadiyuso'o aayoodá' i sagadiyus ngir harahhif, adoorí an adoodá' ilaarén AAKOÓ Munguúrén ngur ga/aya', ay dír inós atén tay gurtlay.

³ Atén ti gurtleer, AAKOÓ MUNGÚ, atén ti gurtleer, asma atén taa ló'wa waaqaá'.

⁴ Atén aga ló'wa slaaqataán waaqaqauú múk daqaareero. Tina tawo tleéhh nee múk daara/aám kwaáo' atén an mukooká.