WARA'AMI 121 - Biblía Axweesantá Hhohho' ar Mungú 2004

Mungú a baqmoorén

¹ Ana qaytsiít gawaá sagér tlom'ií ale, Alee/isay'eé' amór i dahhi a amá?

² Laatí, alee/isay'eé' i dír AAKOÓ MUNGÚ, kudá' doori nee yaamu gaa tleehh.

³ Kuúng u mayká tawa dat baraá tsaxwáy alé, inósuudá' u xumxaxuúm i gufisiiká.

⁴ Qaytsiít, kuduú xuumusmoó Israeli i baloó gufisiiká nee i baloó guiiká.

⁵ AAKOÓ MUNGÚ an xuumusmoowók. AAKOÓ MUNGÚ i dakók oo doó /iyáy uwa aleeslaqwi.

⁶ Tsee/amá kuúng u slahh'eesiiká tlaatla/aango, tam slahhaangw qoomár xweeraawo gár u /iisi i káhh.

⁷ AAKOÓ MUNGÚ kuúng un xún dír muruú tlákw sleémeero. Inós slafiingók gun de'én.

⁸ AAKOÓ MUNGÚ kuúng un xún, qoomár bar ti'imít nee bar darát, iimír hamí ay kureeraá kureér.