WARA'AMI 120 - Biblía Axweesantá Hhohho' ar Mungú 2004

Firo as alee/isaay

(Daa'ángw aa'aá deelór ur ar qwal/amaaye)

¹ Qoomár slahh'amu nguwa sláw, AAKOÓ MUNGÚ una ateét, inós iri mu/aywaáts.

² «AAKOÓ MUNGÚ, án ba/amisáng dír múk al/aymuuse nee lamuuseero.»

³ Kuungaá lamuúse, gár tundu i tleehhi a milá? Nee adór tundur muxi a adoomá?

⁴ A tundun tlaquut ar maheerá qirqitlár slaqwaruuse, nee tundun hamiis ar gil'ór asla!

⁵ Hhintlueé' ku gawít asma hotángw dirhúng a adór heé baraá hoomár Mesheki, laqaá adór heé baraá hoomár Kedárír i dirií'.

⁶ Aga ló'wa hotatiím, baraá tla/ángw múk wayda gwa aahh.

⁷ Aníng gár ni slaa' a wayda, ala wayda bur káh, inooín gár ta slai a slaqwara.