WARA'AMI 113 - Biblía Axweesantá Hhohho' ar Mungú 2004

Munguú hhooeemaá koóm i xirfuuti

¹ AAKOÓ MUNGÚ xirfayeemisaak! Kuungaásingaá sagadiyuusér AAKOÓ MUNGÚ, AAKO xirfayeemisaak, umuú AAKOÓ MUNGÚ xirfayeemisaak!

² Umuú AAKOÓ MUNGÚ ku diidi'iimisi, iimír laarí ay kureeraá kureér.

³ Umuú AAKOÓ MUNGÚ xirfayeemisaak! Iimír amoodá' looa niwa tlatleer ay amoodá' i darat.

⁴ AAKOÓ MUNGÚ xoordu sleémeero gin sa waawuti'ii'ín, xirfuuwós doori gaa waraáhh.

⁵ AAKOÓ Munguúrén heé kur qoomeesi a heemá? Inós aa iwiít gawaá kitángw saáw gawaá doori,

⁶ ala i baráy xumiis, nee doori nee yaamu gin ga/áy.

⁷ Narkutmo gun hhaakw baraá aleemá wa ale, heé dawa kaahaár gun /iis baraá liitlakweerós wa ale,

⁸ guri baraá tla/ángw waawitá i iwitiis, dinkwa nee waawituú mukós.

⁹ /Ameenír kampeeri do'ose ga ilaiwa/amér ar áy, gari qwal/amaayér i haniis ar na/ii ngiwa laqwal. AAKOÓ MUNGÚ xirfayeemisaak!