WARA'AMI 110 - Biblía Axweesantá Hhohho' ar Mungú 2004

Waawutmoodá' taa tsawaár nee Mungú

(Wara'amtá Daudi)

¹ AAKOÓ MUNGÚ iri oó' dír Aakooeé', «Iwiít bihhaá dakw'eé' oo doó /iyáy, ay dír wakuuseerók ngay qaas baraá tsa/aá ya'aawók.»

² AAKOÓ MUNGÚ hhartók ar aleesleemuú waawuti'iima ngi haniis Siyonír wa ale, iri ooi, «Waawuti'iím baraá wakuuseeroge!»

³ Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

⁴ AAKOÓ MUNGÚ tí gaa lo'ór wa /aáy nee slamí i warqayká, «Kuúng a kaahamusmoó úr oo Mungú kureerisleém, ar adoodár Melkisedeki.»

⁵ Aako hanoos, kuduú waawutmo, i bihhiwók awa doó /iyáy, bira buúhh, waawitá gu faak.

⁶ Xoordu gi sakwasleemuut, nee múk yaariír kway tsuu/. Geeraharuuse gan qwaarees, umuúqo dír i diriia baraá yaamuwo.

⁷ Waawutmo ma'aá duxuú afaá loohi giri wah, iri durbín asma iwa baalín.