WARA'AMI 101 - Biblía Axweesantá Hhohho' ar Mungú 2004

Al'axweesantá waawutmo

(Wara'amtá Daudi)

¹ Aá AAKOÓ MUNGÚ, án kuúng un i daá', daanduú inkihhimuwók nee sakwasleemarók ar ganaa'a.

² Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

³ Gár tlaakw a i qaytsitaaká. Gadiyér múk muruú tlákw tlehhahhiít a sla'aaká. Aníng nee inooín a alqaatusanaaká.

⁴ Muunuú tlaákw u hingeés dir'eene, gár tlaakw a sla'aaká.

⁵ Heé inslaawmoowós gu qawti /aysántií tlaáq, u qwaareés. Heé hi/inír ar xumiís nee oo daara/aám, u ilií oohaaká.

⁶ Aníng múk ni ga/aw a kudá' inkihhimuú koóm baraakaá yaamuwo. Kuká' an múk nee aníng alhootá'. Múk xaslxaanslír koomaaká baraá slafingw'ine an kudá' i sagadiyuús.

⁷ Heé lamusmo i baraá dooeé' wa hootiiká. Heé hhaahhafusmo i sihhitiiká dir'eene.

⁸ Umuú looár tlawa tlakuuse sleémeero ar baraá yaamu an hhaamiís, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.