WARA'AMI 100 - Biblía Axweesantá Hhohho' ar Mungú 2004

Daa'ángw xirif

(Wara'amtá sluufaay)

¹ Afór ur tleesaak, AAKOÓ MUNGÚ i baraa/aak! Kuungaá baraá yaamu sleémeero.

² AAKOÓ MUNGÚ sa gadiyusaak ar qwal/amaaye, qwalaasé' dír geeraawós ar daa'aangw.

³ Xuaak adór AAKO tar Mungú! Inós an kudá' atén taa tleehh, nee atén an mukós, atén an mukós nee bee/ángw qawtantós.

⁴ Afkú do'ose dahé' ar sluufaay, xirfayeemisaak baraá gar/oó do'ose! Inós sluufmisaak, umuuwós diidi'iimisaak!

⁵ Asma AAKOÓ MUNGÚ ku hhoó', sla'aarirós ar warqawaaká ka alhhe'eesay wasl, nee inkihhimuwós oo umuú qari.