NEHEMIA 7 - Biblía Axweesantá Hhohho' ar Mungú 2004

¹ Qoomár koo/i kawa tleéhh, nee afér do' ngiwa qaás, nee xuumuusér afér doó Mungú ngiwa sláw nee daauuseero nee múk tlahhoó Laáwiwo,

² aníng hhiyaeé' Hanani nguri ga/aawusmoó Yerusalemúr wa qaás nee Hanania tiwa alee/iimisiya', asma inós ku ló'wa inkihhím, nee a heé Munguú ilaiwawaá/ ta múk hatlae.

³ Aníng inooín ngiri báw, «Afér Yerusalemu ma gweerara' ay dír tsee/amá nay axwaanuy, nee dír xuumuuse ira watlká afér maraay ka tseegi ar muqslaadá' kar tsegagiti. Xuumuuse slawaak tla/ángw yaamuloouusér Yerusalemúr wá ale, umuú xuumusmoowo dirós nee afiqoomár do'ós ngiwa xun.»

Faarór múk naa baraá loohaáy wa waatl

⁴ Gixsa ka iintlaaxw, slám ka ur, ala múk baraadá' hoót ku niiná, nee maraay kaa tleehhiiká.

⁵ Aluuwo Mungú aníng iri inslawáy haniís oo múk urén nee geeraharuuse ngiwa burumbuur nee muko, as ngiwa tlahh'i xuu'. Kitaábuú tlahh'aá mukdá' naa geerií waatl kay gooín una sláw, múk taa baraadá' i gooín a kwí:

⁶ Mukwí an kudá' naa baraá looháy wa waatl, kudá' Nebukadnesa waawutmoó Babuloni aa loohatís, inooín niri ki/iyé' Yerusalemu nee baraá yaamaá Yuda, umuú heewo baraá gixsarós.

⁷ Inooín kingina geerahaár nee Serubabeli, nee Yeshua, nee Nehemia, nee Asariya, nee Ra'amia, nee Nahamani, nee Mordekai, nee Bilshani, nee Mispereti, nee Bigwai, nee Nehumu, nee Ba'ana. Gaarí an faarór hhawaataá múk Israeli.

⁸ Hhay Paroshi a kume tsár nee tsiiru nee mibeeri faanqw nee tsár.

⁹ Hhay Shefatia a tsiire tám mibeeri faanqw nee tsár.

¹⁰ Hhay Ara a tsiire lahhoó' mibeeri kooán nee tsár.

¹¹ Hhay Pahat-moabu awa guruú doó Yeshua nee Yoabu a kume tsár tsiire dakaát nee mibaá nee dakaát.

¹² Hhay Elamu a kumuú wák tsiire tsár mibeeri kooán nee tsiyáhh.

¹³ Hhay Satu a tsiire dakaát mibeeri tsiyáhh nee kooán.

¹⁴ Hhay Sakai a tsiire faanqw nee mibeeri lahhoó'.

¹⁵ Hhay Binui a tsiire lahhoó' mibeeri tsiyáhh nee dakaát.

¹⁶ Hhay Bebai a tsiire lahhoó' mibeeri tsár nee tsiyáhh.

¹⁷ Hhay Asgadi a kume tsár tsiire tám mibeeri tsár nee tsár.

¹⁸ Hhay Adonikamu a tsiire lahhoó' nee mibeeri lahhoó' nee faanqw.

¹⁹ Hhay Bigwai a kume tsár nee mibeeri lahhoó' nee faanqw.

²⁰ Hhay Adini a tsiire lahhoó' nee mibeeri kooán nee kooán.

²¹ Hhay Ateri awa guruú doó Hesekia a mibeeri gwaleél nee dakaát.

²² Hhay Hashumu a tsiire tám mibeeri tsár nee dakaát.

²³ Hhay Besai a tsiire tám mibeeri tsár nee tsiyáhh.

²⁴ Hhay Harifu a tsiiru nee mibaá nee tsár.

²⁵ Hhay Gibeoni a mibeeri gwaleél nee kooán.

²⁶ Múk Betilehemu nee Netofa a tsiiru nee mibeeri dakaát nee dakaát.

²⁷ Múk Anatoti a tsiruú wák nee mibeeri tsár nee dakaát.

²⁸ Múk Bet-asmaweti a mibeeri tsiyáhh nee tsár.

²⁹ Múk Kiriat-yearimu, nee oo Kefira nee oo Be'eroti a tsiire faanqw mibeeri tsiyáhh nee tám.

³⁰ Múk Rama nee Geba a tsiire lahhoó' nee mibeeri tsár nee wak.

³¹ Múk Mikmashi a tsiiru nee mibeeri tsár nee tsár.

³² Múk Beteli nee Ai a tsiiru nee mibeeri tsár nee tám.

³³ Múk gixsár hatlá' ar Nebo a mibeeri kooán nee tsár.

³⁴ Múk Elamúr hatlá' a kumuú wák nee tsiire tsár nee mibeeri kooán nee tsiyáhh.

³⁵ Múk gixsár Harimu a tsiire tám nee mibeeri tsár.

³⁶ Múk gixsár Yeriko a tsiire tám nee mibeeri tsiyáhh nee kooán.

³⁷ Múk gixsadaá Lodi nee Hadidi nee Ono a tsiire faanqw nee mibeeri tsár nee wak.

³⁸ Múk gixsár Sena'a a kume tám tsiire gwaleél nee mibeeri tám.

³⁹ Kaahamuusér Mungú a tí: Hhay Yedaya kudaá guruú doó Yeshua a tsiire gwaleél mibeeri faanqw nee tám.

⁴⁰ Hhay Imeri a kumuú wák nee mibeeri kooán nee tám.

⁴¹ Hhay Pashuri a kumuú wák tsiire tsár nee mibeeri tsiyáhh nee faanqw.

⁴² Hhay Harimu a kumuú wák nee mibaá nee faanqw.

⁴³ Múk tlahhoó Laáwi kwí: Hhay Yeshua awa guruú doó Kadmieli nee awa Hodafia a mibeeri faanqw nee tsiyáhh.

⁴⁴ Daauuse a tí: Hhay Asafu a tsiiruú wák mibeeri tsiyáhh nee dakaát.

⁴⁵ Xuumuuse a tí: Hhay Shalumu, nee hhay Ateri, nee hhay Talmoni, nee hhay Akubu, nee hhay Hatita, nee hhay Shobai a tsiiru nee mibeeri tám nee dakaát.

⁴⁶ Sagadiyuusér doó Mungú a tí: Hhay Siha, nee hhay Hasufa, nee hhay Tabaoti,

⁴⁷ nee hhay Kerosi, nee hhay Siaha, nee hhay Padoni,

⁴⁸ nee hhay Lebana, nee hhay Hagaba, nee hhay Shalmai,

⁴⁹ nee hhay Hanani, nee hhay Gideli, nee hhay Gahari,

⁵⁰ nee hhay Reaya, nee hhay Resini, nee hhay Nekoda,

⁵¹ nee hhay Gasamu, nee hhay Usa, nee hhay Pasea.

⁵² Nee hhay Besai, nee hhay Meunimu, nee hhay Nefushesimu,

⁵³ nee hhay Bakbuki, nee hhay Hakufa, nee hhay Harhuri,

⁵⁴ nee hhay Bas-liti, nee hhay Mehida, nee hhay Harsha,

⁵⁵ nee hhay Barkosi, nee hhay Sisera, nee hhay Tema,

⁵⁶ nee hhay Nesia, nee hhay Hatifa.

⁵⁷ Sagadiyuusér waawutmo Solomon a tí: Hhay Sotai, nee hhay Sofereti, nee hhay Perida,

⁵⁸ nee hhay Ya'ala, nee hhay Dorkani, nee hhay Gideli,

⁵⁹ nee hhay Shefatia, nee hhay Hatili, nee hhay Pokeret-hasebaimu, nee hhay Amoni.

⁶⁰ Sagadiyuusér Mungú nee xwaylár sagadiyuusér Solomon dinkwaaro a tsiiru nee mibeeri gwaleél nee tsár.

⁶¹ Kuká' an kudá' baraá yaamuuká' dahhá': Tel-mela, nee Tel-harsha, nee Kerubu, nee Adoni, nee Imeri. Ala tlahh'aá baabi'ii'ín kaa tsaahha hhe'eesiiká, laqaá xwaylar'ín adór tar múk Israeli.

⁶² Hhay Delaya, nee hhay Tobia, nee hhay Nekoda a tsiire lahhoó' nee mibeeri tsiyáhh nee tsár.

⁶³ Slám kaahamuusér Mungú a hhay Hobaya, nee hhay Hakosi, nee hhay Barsilai, kudá' dasír wák ar Barsilai gaa duux, heé Gileadi, kuna umuú dooín i tsaát.

⁶⁴ Kuká' faaror'ín ngina leeleehhiyé' baraá tla/ángw kudá' taa faari, ala kaa slayká, inooín kina harafaár tawa múk ta harmeetin.

⁶⁵ Ga/aawusmo inooín gina ádbáy muruú /aymaadá' hhohhó' kuwa /ayiiká ay dír kaahamusmooduú Urimu nee Tumimu i sihhiiti.

⁶⁶ Mukwí sleémeero dinkwaaro a kume mibeeri tsiyáhh nee tsár nee, tsiire tám nee mibeeri lahhoó',

⁶⁷ slám baraaine sagadiyuusér hhawaate nee ar /ameena i deer, faarooro a kume faanqw tsiire tám mibeeri tám nee faanqw. Slám daauuse i deer ar hhawaate nee ar /ameenaaro faarooro a tsiire tsár mibeeri tsiyáhh nee kooán.

⁶⁸ Farsuuín a tsiire faanqw mibeeri tám nee lahhoó', wayshamaaín a tsiire tsár mibeeri tsiyáhh nee kooán.

⁶⁹ Angaamiaduín a tsiire tsiyáhh nee mibeeri tám nee kooán, daqwaayer'ín a kume lahhoó' tsiire faanqw nee mibeeri tsár.

⁷⁰ Bahh'alé baraá kudá' uren awa tlahh'aá baabi'ii'ine, daqaari'iimar'ín ngina haniisiyé' as gadiyeérí. Ga/aawusmo gár aa haniís a kílo dakaát ar sahaábu nee iimpu mibeeri kooán, nee tlabaá kaahamuusér Mungú a tsiire kooán nee mibeeri tám.

⁷¹ Baraá tla/ángw kudá' uren awa tlahh'aá baabi'ii'ine bahh'alé gár naa hanisiyé' a kílo tsiiru nee mibeeri lahhoó' nee dakaát ar sahaábu, nee kílo kumuú wák nee tsiire tsár nee mibeeri kooán ar peésa.

⁷² Mukdá' aa meet gár taa haniís a kílo tsiiru nee mibeeri lahhoó' nee dakaát ar sahaábu, nee kílo tsiiru nee mibeeri tsiyáhh ar peésa, nee tlabaá mibeeri lahhoó' nee faanqw awa kaahamuusér Mungú.

⁷³ Gawaá adoorihe, kaahamuusér Mungú nee múk tlahhoó Laáwi, nee xuumuusér Doó Munguhe, nee daauuseero nee muu bahh'alé, nee sagadiyuusér Doó Mungú nee múk Israeli sleémeero, tay hoót baraá gixsaduín wa ale. Tam qoomár slahhángw faanqw iwa xáy múk Israeli taqo baraá gixsaduuín i dirii'.