NEHEMIA 11 - Biblía Axweesantá Hhohho' ar Mungú 2004

Múk Yerusalemu gaa hoot

¹ Naagáy geeraharuuse baraá gixsár Yerusalemu ngina hootiyé'. Muu sleémeero oo hatlá' tsawdo kana tleéhh baraá umuúqo múk mibaango heé wák kuwa slay oo baraá gixsadá' hhoohhoo' ar Yerusalemu ga hoót. Mukduú hatlá' gwaleél ina meét baraá gixsaduuín.

² Muu mukdá' hotaá Yerusalemu gaa ya/an nguri tsuuqiyé'.

³ Baraá gixsadaá hatlae múk Israeli nee kaahamuusér Mungú, nee múk tlahhoó Laáwiwo, nee xuumuusér afér do', nee xwaylár sagadiyuusér Solomon nina baraá ayeemooín wa hootiyé'.

⁴ Bahh'ale awa tlahhoó Yuda nee oo Benyamini nina hootiyé' baraá Yerusalemúr wa aleeró. Mukwí an oo tlahhoó Yuda kudá' Yerusalemu gaa hoot: Ataya garmoó Usia, garmoó Sekaria, garmoó Amaria, garmoó Shefatia, garmoó Mahalaleli, kuká' awa guruú doó Peresi.

⁵ Sleeme Ma'aseya garmoó Baruku, garmoó Kolhose, garmoó Hasaya, garmoó Adaya, garmoó Yoyaribu, garmoó Sekaria heé yaamaá Shilo.

⁶ Xwaylár Peresi sleémeero ar gixsár Yerusalemu ngaa hootiyé' a hhawaataá miguuse tsiire tsiyáhh mibeeri lahhoó' nee dakaát.

⁷ Múk tlahhoó Benyamini oo Yerusalemu ngaa hootiyé' a ín Salu, garmoó Meshulamu, garmoó Yoedi, garmoó Pedaya, garmoó Kolaya, garmoó Ma'aseya, garmoó Itieli, garmoó Yeshaya.

⁸ Alaá Gabai nee Salaiwo, muu dinkwaaro a tsiire gwaleél mibeeri tsár nee dakaát.

⁹ Yoeli garmoó Sikri, inós an geeraharusmooín, nee Yuda garmoó Hasenua an heé tsár uraywo baraá gixsaro.

¹⁰ Kaahamuusér Mungú, ar aa Yerusalemúr wa hot a Yedaya garmoó Yoyaribu, nee Yakini,

¹¹ Seraya garmoó Hilkia, garmoó Meshulamu, garmoó Sadoki, garmoó Merayoti, garmoó Ahitubu, kuduú doó Mungú gu sagesihhimiít,

¹² dinkwa nee hhaeeín kudá' naa gadiyuusiye' baraá doó Mungú wa aleeró. Inooín a tsiire dakaát mibeeri tsár nee tsár. Slám dinkwa nee kukae oo hatlá' a Adaya garmoó Yerohamu, garmoó Pelalia, garmoó Amsi, garmoó Sekaria, garmoó Pashuri, garmoó Malkiya,

¹³ sleeme hhaeewós kudaá geeraharuusér tlahhi'i dinkwaaro a tsiire tsár mibeeri tsiyáhh nee tsár. Amashai garmoó Asareli, garmoó Ahsai, garmoó Meshilemoti garmoó Imeri,

¹⁴ dinkwa nee hhaeeine a hhawaataá miguuse tsiiruú wák mibeeri tsár nee dakaát, geeraharusmooín a Sabdieli garmoó Hagedolimu.

¹⁵ Múk tlahhoó Laáwi oo Yerusalemu gaa hoot a kwí: Shemaya garmoó Hashubu, garmoó Asrikamu, garmoó Hashabia, garmoó Buni,

¹⁶ nee Shabetai nee Yosabadi, geeraharuusér múk Laáwi, inooín a sagesihhtuusér gadiyér tsee/a ar doó Mungú,

¹⁷ nee Matania garmoó Mika, garmoó Sabdi, xwaylár Asafu kudá' firór ilahhooa ga geeraharahaár. Nee Bakbukia a ale/iisusmoowós, dinkwa nee inooine awa hatlá' a Abda garmoó Shamua, garmoó Galali, xwaylár Yedutuni.

¹⁸ Múk tlahhoó Laáwi kudá' baraá gixsadá' hhoohhoo' ar Yerusalemu ngaa hootiye', dinkwaaro a tsiire tsár mibeeri dakaát nee tsiyáhh.

¹⁹ Xuumuusér afkú do' a Akubu nee Talmoni dinkwa nee hhaeeín kudá' afkú doó xuumá', inooín a tsiiruú wák mibeeri faanqw nee tsár.

²⁰ Múk hatlá' oo Israeli, nee kaahamuusér Munguhe nee múk tlahhoó Laáwiwo, nina baraá gixsadaá hatlá' awa Yuda wa hootiyé', umuú heewo dír aalirós.

²¹ Ala sagadiyuusér doó Mungú nina baraá gixsár Yerusalemu wa hootiyé', dír yaamaá Ofeli, sagesihhtusmooín a Siha nee Gishpa.

²² Geeraharusmoó múk tlahhoó Laáwi a Usi garmoó Bani, garmoó Hashabia, garmoó Matania, garmoó Mika oo tlahhoó Asafu. Inooín a daauuse nee múk gadiyér doó Mungú gaa sagesihhiit.

²³ Waawutmo adór baalaqaasir'ín gaa oó', nee gadiyér daauuseero nee muruuín oo ta slai.

²⁴ Petahia garmoó Meshesabeli oo guruú doó Sera oo tlahhoó Yuda, inós kuna qaás nee waawutmo as mura' sleémeero oo múk Yuda nguwa daanduú waawutmoó wa ga/ay.

Múk gixsadaá hatlá'

²⁵ Muu bahh'alé ina hoót baraá gixsaduuín wa aleeró bihhaá qamuuín. Múk Yuda bahh'ale Kiriat-arba gana hoót nee amór Diboni nee Yekabse'eli dinkwa nee ayeemooín kudá' ngaa harwerii'i.

²⁶ Bahh'alé nina gixsár Yeshua wa hootiyé' nee ar Molada, nee Bet-peleti,

²⁷ nee Hasarshuali nee Be'er-sheba dinkwa nee ayeemoodá' ngaa harweeriye'.

²⁸ Bahh'alé gixsár Siklagi ngina hootiyé' nee Mekona nee ayeemoodá' ngaa harweeriye'.

²⁹ Bahh'alé gixsár Enrimoni ngina hootiyé' nee Sora, nee Yarmuti,

³⁰ nee Sanoa, nee Adulamu dinkwa nee ayeemoodá' ngaa harweeriye', nee gixsár Lakishi nee qamaá ngaa harweeriye', nee dír Aseka dinkwa nee ayeemaá ngaa harweeriye'. Adoorí gár i laqaqaan a múk Yuda dír aa hoót a tla/ángw Be'er-sheba bihhaá basko, nee xatstá Hinomu bihhaá /iiko.

³¹ Múk tlahhoó Benyamini Geba ngina hootiyé', nee Mikmashi, nee Ai, nee Beteli nee ayeemaá ngaa harweeriye'.

³² Bahh'alé Anatoti ngina hootiyé' nee Nobu, nee Anania,

³³ nee Hasori, nee Rama nee Gitaimu,

³⁴ nee Hadidi, nee Seboimu, nee Nebalati,

³⁵ nee Lodi nee Ono tidár baraá Xatstá Múk muruú baál tlehhtuwo.

³⁶ Bahh'alé awa tlahhoó Laáwi kudaá baraá tla/ángw Yuda nina haragwaaiyé' amór múk Benyamini.