NEHEMIA 10 - Biblía Axweesantá Hhohho' ar Mungú 2004

¹ Kudá' dugeeni nga qaasiye' an kuká': Heé geera an ga/aawusmo Nehemia garmoó Hakalia, nee Sedekia.

² Kaahamuusér Mungú ar dugeeni gaa qas a tí: Seraya, nee Asariya, nee Yeremia,

³ nee Pashuri, nee Amaria, nee Malkiya,

⁴ nee Hatushi, nee Shebania, nee Maluki,

⁵ nee Harimu, nee Meremoti, nee Obadia,

⁶ nee Danieli, nee Ginetoni, nee Baruku,

⁷ nee Meshulamu, nee Abiya, nee Miyamini,

⁸ nee Ma'asia, nee Bilgai nee Shemaya.

⁹ Múk tlahhoó Laáwi a kwí: Yeshua garmoó Asania, nee Binui oo hhay Henadadi, nee Kadmieli.

¹⁰ Hhaeín awa dugno ngwa qaasiye' an ín Shebania, nee Hodia, nee Kelita, nee Pelaya, nee Hanani,

¹¹ nee Mika, nee Rehobu, nee Hashabia,

¹² nee Sakuri, nee Sherebia, nee Shebania,

¹³ nee Hodia, nee Bani nee Beninu.

¹⁴ Geeraharuusér muu a tí: Paroshi nee Pahat-moabu, nee Elamu, nee Satu, nee Bani,

¹⁵ nee Buni, nee Asgadi, nee Bebai,

¹⁶ nee Adoniya, nee Bigwai, nee Adini,

¹⁷ nee Ateri, nee Hesekia, nee Asuri,

¹⁸ nee Hodia, nee Hashumu, nee Besai,

¹⁹ nee Harifu, nee Anatoti, nee Nebai,

²⁰ nee Magpiashi, nee Meshulamu, nee Hesiri,

²¹ nee Meshesabeli, nee Sadoki, nee Yadua,

²² nee Pelatia, nee Hanani, nee Anaya,

²³ nee Hoshea, nee Hanania, nee Hashubu,

²⁴ nee Haloheshi, nee Pilha, nee Shobeki,

²⁵ nee Rehumu, nee Hashabna, nee Ma'aseya,

²⁶ nee Ahia, nee Hanani, nee Anani,

²⁷ nee Maluki, nee Harimu nee Ba'ana.

Al'axweesani

²⁸ Mukdá' sleémeero aa meet, nee kaahamuuseero nee múk tlahhoó Laáwiwo, nee xuumuusér Doó Munguhe nee daauusero, nee sagadiyuusér Doó Munguhe, nee muu sleémeero oo taa paraatl dír múk yaamuudae, as dabér Mungú kawa eehari dinkwa nee tlaaway'ine, nee daaqay'ine nee dasuuine, nee múk xu'utír kooma, nee awa sage fooxá',

²⁹ tari haragwaá' dír hhaeeín nee dír muk'ín kudá' urén as lo'o ngiwa /ayiya' tawa baraá dabér Mungú wa hooti, tidá' aa haniís dír Mose sagadiyusmoó Mungú, nee hara'ayár AAKOÓ MUNGÚ, Aakoorén kawa harmagahhaan tlehhtuuwo, nee tidá' taa bayi nee kaahirose.

³⁰ Dasuurén ku duxutiiká nee múk yaamuuká', laqaá tam daaqayrén sleeme i duxuxun'aaká ayaawí wa aleeró.

³¹ Barnaxes múk yaamuuká' muruú ta weermiisi ngwa huwiyé', ngway weerisiyé' deelór Sabaátoro, atén u tlaxwanaaká balaarihe tam deelór hatlá' ar hhoohhooe. Kurkú faanqwe yaamu i tliqisanaaká nee inu sleémeero in buaán.

³² Atén dakwí un qaasaán, baraá kurko umuú heewo baraá shekeélír tame ar wák gan haniis as gadiyér doó Mungú.

³³ Nee as mikaáteedá' taa qaás as Mungú nee ilahhooár balaangw, nee ilahhooár da/a, nee ilahhooár deelór Sabaáto, nee ilahhooár Slahhángw /Abén, nee deelór uren ar hatlae, nee muruú hatlá' oo hhohhó', nee ilahhooa as hingeemisuú tlakweema as múk Israeli kuwa haraki/isi, nee gadiyedaá hatlá' sleémeero awa doó Munguúrén.

³⁴ Atén sleémeero, nee muu sleémeero, nee kaahamuuseero nee múk tlahhoó Laáwi, umuú kurko tsawdo an tleehhaán as tlahhoó migír ngu huúw, oo ilahhooa da/a dír kitángw ilahhooa oo AAKOÓ MUNGÚ, Munguúrén, ar adoodá' dabe i diri'.

³⁵ Al'axweesani an qaasaán umuú kurko bu'úngw geera oo balaangw nee mamaá geera awa umuú xa'anoowo kiwa huwaan baraá doó AAKOÓ MUNGÚ.

³⁶ Adoodá' taa gooín baraá dabeero kawa eeharaan umuú na/oó baris oo garma baraá marayrene, kun huuw baraá doó Munguúrén dír kaahamuuseedá' baraá doó Mungú wa gadiyuus, sleeme tsa/tamoó awu oo baris oo slee ngun huwaán nee deelmoó leeiro nee oo bee/iro.

³⁷ Puuruú geera, nee ilahhooarén, nee mamaá xaai, nee difaái nee di/ito in huwaán dír kaahamuuse baraá kutuwoó doó Munguúrén. Slám baraá bu'ungwrene ar wák baraá mibango ngin huwaán dír múk tlahhoó Laáwi asma inooín gadiyeérír burumburiingw ngin tlehhitiyá' baraá ayeemoorene.

³⁸ Kaahamusmoó xwaylár Aroni dinkwa nee tlahhoó Laáwi ilahhooadár gár wák baraá mibaango ngin ilaoohiyá', naagáy múk tlahhoó Laáwi ar wák baraá muruú mibaango gan huuw baraá kutuwi, baraá kuuntáy.

³⁹ Asma múk Israeli nee múk tlahhoó Laáwiwo ilahhooár balaangw ngin huwiyá', nee difaáiro, nee di/tá xaa'aá seituúni baraá kutwaydá' xooslaá hhohho' awa doó Mungú kiwa amohhe'eemisi, didá' kaahamuusér gadiyuus nee xuumuusér afér do'o nee daauuse i kutway'ín koná'. Qooma sleémeero atén doó Munguúrén u baseehuwanaaká.