ISAYA 12 - Biblía Axweesantá Hhohho' ar Mungú 2004

Daa'ángw sluufaay

¹ Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

² Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

³ Kuungá' ma'aay i qwal/úr hhekitá' baraá hhaleeraá ba/ama.

⁴ Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

⁵ AAKOÓ MUNGÚ xirif ti dae', asma muruú urén guna tleéhh, tí i xu'utit baraá yaamu sleémeerowo.

⁶ Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»