IIMU/UUNGW 5 - Biblía Axweesantá Hhohho' ar Mungú 2004

Tlahhoó Adam

¹ Gaarí an umér xwaylár Adam. Baldá' Mungú hee nguwa tleéhh, guna tleéhh ar slaqsoó Mungú.

² Hhawaata nee /ameeni gina tleéhh, giri tsuúq. Baldá' ngiwa tleéhh giri báy, «Muu».

³ Adam kureeraá tsiiru nee mibeeri tám gina ala hoót, na/aay guri laqwaál oo slaqsaywós, nee oo adoorós, umuuwós guri báy Seti.

⁴ Kureeraá Adam aa hoót alaá Seti nguwa laqwaál a tsiire dakaát. Na/aá hatlá' gina laqwaál awa daaqaay nee awa dasuwo.

⁵ Kureeraá Adam aa hoót a tsiire gwaleél nee mibeeraá tám, inós iri gwaá'.

⁶ Seti kureeraá tsiiruú wák nee kooán ngiwa hoót, Enoshi guri laqwaál.

⁷ Seti alaá Enoshi nguwa laqwaál, kureeri nga hoót a tsiire dakaát nee faanqw, na/ii gina laqwaál awa daaqaay nee awa dasuwo.

⁸ Deelo sleémeero ar Seti aa hoót a kureeri tsiire gwaleél nee mibaá nee tsár, iri gwaá'.

⁹ Enoshi kureeraá mibeeri gwaleél ngiwa hoót, Kenani guri laqwaál.

¹⁰ Enoshi alaá Kenani nguwa laqwaál, kureeri nga hoót a tsiire dakaát nee mibaá nee kooán, na/ii gina laqwaál awa daaqaay nee awa dasuwo.

¹¹ Adoorihe deelo sleémeero ar Enoshi aa hoót, a kureeri tsiire gwaleél nee kooán, iri gwaá'.

¹² Kenani kureeraá mibeeri faanqw ngiwa hoót, Mahalaleli guri laqwaál.

¹³ Kenani alaá Mahalaleli nguwa laqwaál, kureeraá aa hoót, a tsiire dakaát nee mibeeri tsiyáhh, na/ii giri laqwaál awa daaqaay nee awa dasuwo.

¹⁴ Adoorihe deelo sleémeero ar Kenani aa hoót a kureeri tsiire gwaleél nee mibaangw, iri gwaá'.

¹⁵ Mahalaleli kureeraá mibeeri lahhoó' nee kooán ngiwa hoót, Yaredi guri laqwaál.

¹⁶ Mahalaleli alaá Yaredi nguwa laqwaál, kureeraá aa hoót, a tsiire dakaát nee mibeeri tám, na/ii giri laqwaál awa daaqaay nee awa dasuwo.

¹⁷ Adoorihe deelo sleémeero ar Mahalaleli aa hoót, a kureeri tsiire dakaát nee mibeeri gwaleél nee kooán, iri gwaá'.

¹⁸ Yaredi kureeraá tsiiru nee mibeeraá lahhoó' nee tsár ngiwa hoót, Enoki guri laqwaál.

¹⁹ Yaredi alaá Enoki nguwa laqwaál, kureeraá aa hoót a tsiire dakaát, na/ii giri laqwaál awa daaqaay nee awa dasuwo.

²⁰ Adoorihe deelo sleémeero ar Yaredi aa hoót a kureeri tsiire gwaleél nee mibeeri lahhoó' nee tsár, iri gwaá'.

²¹ Enoki kureeraá mibeeri lahhoó' nee kooán ngiwa hoót, Metusela guri laqwaál.

²² Enoki nee Mungú tana aldinku'uús baraá hotaawose. Alaá Metusela nguwa laqwaál, kureeraá aa hoót a tsiire tám, na/ii giri laqwaál awa daaqaay nee awa dasuwo.

²³ Adoorihe deelo sleémeero ar Enoki aa hoót a kureeri tsiire tám nee mibeeri lahhoó' nee kooán.

²⁴ Enoki nee Mungú tana aldinku'uús baraá hotaawose, aluuwo iri ilaá wa qwaár, asma kuna ar tláy nee Mungú.

²⁵ Metusela kureeraá tsiiru nee mibeeri dakaát nee faanqw gina hoót, Lameki guri laqwaál.

²⁶ Metusela alaá Lameki nguwa laqwaál, kureeraá aa hoót a tsiire faanqw nee mibeeri dakaát nee tsár, na/ii giri laqwaál awa daaqaay nee awa dasuwo.

²⁷ Adoorihe deelo sleémeero ar Metusela aa hoót, a kureeri tsiire gwaleél nee mibeeri lahhoó' nee gwaleél, iri gwaá'.

²⁸ Lameki kureeriiwós tawa tsiiru nee mibeeri dakaát nee tsár, garma guri laqwaál.

²⁹ Guri umií tsaát, guri báy Noa, iri oó', «Kwí an kudá' atén ti gurkwa/ás baraá slahh'amkú gadiyér gawide, qoomár yaamuká' kiwa dooslaan, awa taa lu'ús nee Aako.»

³⁰ Lameki alaá Noa nguwa laqwaál kureeraá aa hoót a tsiire kooán nee mibeeri gwaleél nee kooán.

³¹ Adoorihe deelo sleémeero ar Lameki aa hoót a kureeri tsiire faanqw nee mibeeri faanqw nee faanqw, iri gwaá'.

³² Noa kureeriiwós tawa tsiire kooán, inós Shemu nee Hamu nee Yafeti gina laqwaál.