IIMU/UUNGW 36 - Biblía Axweesantá Hhohho' ar Mungú 2004

Xwaylár Esau

¹ Kuká' an xwaylár Esau. Umuuwós oo hatlá' a Edomu.

² Esau dasuú Kana'ani guri duxuút. Ada dasír Eloni oo múk Hiti, nee Oholibama, dasír Ana. Ana a nángw naangoó Sibeoni oo múk Hifi.

³ Nee Basemati dasír Ishmaeli, hho'ór Nebayoti.

⁴ Ada na/aay gway xwayluúr, umuuwós tay Elifasi, nee Basemati iri xwayluúr Reueli.

⁵ Oholibama iri xwayluúr Yeushi, nee Yalamu, nee Kora. Kuká' an daaqoó Esau aa laqwaál baraá yaamaá Kana'anír wa ale.

⁶ Esau tlaawaywós nee daaqaywós nee dasuuwós, nee múk do'ós sleémeero, nee hikwaawós, nee muruuwós sleémeero, nee daqaari'iimarós sleémeero tidá' aa sláy baraá yaamaá Kana'anír wa alé, garir tláy, iri saweés dír hhiyaawós Yakobowo.

⁷ Asma daqaari'iimar'ín ka ló'wa ur, tam hotaá dinkwa i ya/ana'aaká, laqaá tam yaamuudá' taa i lóh in bu'uutiaaká inooine sleeme, asma muruuín ku ló'wa úr.

⁸ Esau iri hotaá áy baraá yaamaá tlom'aá Seiri. Esau umuuwós oo hatlá' an Edomu.

⁹ Kuká' an xwaylár Esau, baabuú múk Edomu baraá yaamaá Seiri.

¹⁰ Umeerí ar daaqoó Esau: Elifasi kudá' taa laqwaál nee Ada, harér Esau, nee Reueli, kudá' taa laqwaál nee Basemati, harér hatlá' ar Esau.

¹¹ Nee daaqoó Elifasi an Temani nee Omari, nee Sefo, nee Gatamu nee Kenasi.

¹² Nee Timna an /ameenír hatlá ar Elifasi, garmoó Esau. Inós Amaleki guri xwayluúr dír Elifasi. Kuká' an daaqoó Ada, harér hatlá' ar Esau.

¹³ Nee kuká' an daaqoó Reueli: Nahati, nee Sera, nee Shama nee Misa. Kuká' an daaqoó Basemati, harér Esau.

¹⁴ Nee kuká' an daaqoó taa xwaylúy nee Oholibama, harér Esau. Inós a dasír Ana, garmoó Sibeoni oo múk Hifi. Umer'ín a Yeushi, nee Yalamu nee Kora.

¹⁵ Mukwí an múk urén, nee a geeraharuusér daaqoó Elifasi, garmoó baris oo Esau. Daaqoó Elifasi, garmoó baris oo Esau a Temani, nee Omari, nee Sefo, nee Kenasi,

¹⁶ nee Kora, nee Gatamu nee Amaleki. Kuká' an waawituú naa ti'iit doó Elifasi wa alé baraá yaamaá Edomu. Kuká' an daaqoó Ada, harér Esau.

¹⁷ Reueli garmoó Esau daaqaywí guna laqwaál: Nahati, nee Sera, nee Shama nee Misa. Daaqaywí tsiyahhawo umuúqo heewo an geeraharusmoó tlahhaywós. Kuká' sleémeero an daaqoó Reueli baraá yaamaá Edomu, kudá' Basemati, harér Esau, aa xwayluúr.

¹⁸ Daaqoó Oholibama dasír Ana an kwí: Yeushi nee Yalamu nee Kora. Daaqaywí umuúqo heewo an geeraharusmoó tlahhaywós. Kuká' sleémeero an daaqoó Oholibama, dasír Ana, harér Esau.

¹⁹ Mukwí an xwaylár Esau nee a geeraharuusér gur'ér doó Esau. Esau umuuwós oo hatlá' an Edomu.

Xwaylár Seiri

²⁰ Kuká' an na/aá Seiri oo tlahhoó Hori, yaamuloouusér yaamuudá': Lotani, nee Shobali, nee Sibeoni nee Ana,

²¹ nee Dishoni, nee Eseri nee Dishani. Kuká' a geeraharuusér múk Hori, xwaylár Seiri tidár yaamaá Edomu.

²² Nee daaqoó Lotani an Hori, nee Hemani, nee hho'ór Lotani a Timna.

²³ Nee kuká' an daaqoó Shobali: Alwani nee Manahati, nee Ebali, nee Shefo, nee Onamu.

²⁴ Daaqoó Sibeoni a Aia nee Ana. Anawí an kudá' ma'aá haamá' gaa ar baraá xaanxáy wa ale, qoomár iwa daqwaayér baabuúín Sibeoni de'en.

²⁵ na/aá Ana a Dishoni nee Oholibama dasír Ana.

²⁶ Daaqoó Dishoni a Hemdani, nee Eshbani, nee Itrani nee Kerani.

²⁷ Daaqoó Eseri a Bilhani, Sa'awani nee Akani.

²⁸ Daaqoó Dishani a Usi nee Arani.

²⁹ Kuká' an geeraharuusér guruú doó múk Hori: Lotani, nee Shobali, nee Sibeoni nee Ana,

³⁰ nee Dishoni, nee Eseri nee Dishani. Kuká' an geeraharuusér guruú doó Hori baraá yaamaá Seiri.

Waawituú yaamaá Edomu

³¹ Kuká' an waawituú aa waawuti'in baraá yaamaá Edomuwo, qoomár baraá Israeliwo waawuti'iima iwa kahh.

³² Bela oo Beori ina waawuti'ín baraá Edomuwo, nee umuú gixsarós an Dinhaba.

³³ Bela iwa gwaá', Yobabu garmoó Sera, oo Bosra, ina waawuti'ín kitaangós wa alé.

³⁴ Yobabu iri kahhuút, Hushamu oo baraá yaamaá Temani kitaangós guri óh.

³⁵ Hushamu iwa gwaá', Hadadi garmoó Bedadi iri waawuti'ín kitaangós wa alé. Inós an kudá' múk Midiani gwaa baal baraá yaamaá Moabu wa alé. Umuú gixsarós guri báy Awiti.

³⁶ Hadadi iri gwaá', Samla oo Marseka ina waawuti'ín kitaangós wa alé.

³⁷ Samla iwa gwaá', Saulo oo yaamaá Rehoboti, kudá' bihhaá yaaér Eufrate, iri waawuti'ín kitaangós wa alé.

³⁸ Saulo iwa gwaá', Ba'al-hanani garmoó Akbori ina waawuti'ín kitaangós wa alé.

³⁹ Ba'al-hanani, garmoó Akbori, iwa gwaá', Hadari iri waawuti'ín kitaangós wa ale, nee umuú gixsarós an Pau. Umuú hareerós an Mehetabeli, dasír Matredi. Aamaarós a Mesahabu.

⁴⁰ Kuká' an geeraharuusér guruú doó Esau, nee tlahhi'ii'ín, nee yaamaá naa hootiyé': Timna, nee Aliya, nee Yeteti,

⁴¹ nee Oholibama, nee Ela, nee Pinoni,

⁴² nee Kenasi, nee Temani, nee Mibsari,

⁴³ nee Magdieli nee Iramu. Kuká' an waawituú Edomu, umuú hatlá' oo Esau, baabuú múk Edomu. Umér geeraharuuseerí tina hát ar adoodár ayeemaá naa hootiyé' nee yaamaá naa sawaawuti'iné'.