IIMU/UUNGW 10 - Biblía Axweesantá Hhohho' ar Mungú 2004

Xwaylár daaqoó Noa

¹ Tlahh'iiká' an xwaylár daaqoó Noa, ín Shemu nee Hamu nee Yafeti. Alaá tluwoó da/tene inooín daaqaay kuna laqwaál.

² Daaqoó Yafeti a Gomeri, nee Magogu, nee Madai, nee Yafani, nee Tubali, nee Mesheki nee Tirasi.

³ Daaqoó Gomeri a Ashkenasi, nee Rifati nee Togarma.

⁴ Daaqoó Yafani a Elisha, nee Tarshishi, nee Kitimu nee Dodanimu.

⁵ Xwaylar'ín an iimu/úngw mukdá' sleémeero bihhaá tlawtá wa hoót. Mukwí an xwaylár Yafeti. Inooín tana doogaagín, tari hoót, umuú tlahhaywo nee yaamuuín nee tsifrir'ín nee xooror'ín.

⁶ Daaqoó Hamu a Kushi, nee Misri, nee Puti nee Kana'ani.

⁷ Daaqoó Kushi a Seba, nee Hawila, nee Sabta, nee Ra'ama nee Sabteka. Nee daaqoó Ra'ama a Sheba nee Dedani.

⁸ Kushi Nimrodi guri laqwaál. Inós tay heé geera oo waawuti'iimár /uuruú koom gawaá yaamuwo.

⁹ Inós a slakaatusmoó ilakaahaár dír geeraá AAKOÓ MUNGUHE. An gár muu is kaahi, «A adór Nimrodi, slakaatusmoodá' ilakaahaár dír geeraá AAKOÓ MUNGUHE.»

¹⁰ Iimu/úngw waawuti'iimarós a yaamaá Babuloni, nee Ereki, nee Akadi. Gixsaduuká' sleémeero i baraá yaamaá Shinari.

¹¹ Inós ina tláy baraá yaamuudá' wa alé ay yaamaá Ashuru. Gixsár Ninewi gari yaamuudá' i tleéhh, nee Rehobot-iri, nee Kala,

¹² nee Reseni. Gixsár Reseni i tla/ángw Ninewi nee Kala. Kala an gixsadá' ur.

¹³ Misri tari baabuú múk Ludi nee múk Anamu nee múk Lehabi, nee múk Naftuhi,

¹⁴ nee múk Patrusi nee múk Kaslu, dír múk Filisti niwa ti'iít, nee múk yaamaá Krete.

¹⁵ Kana'ani iri laqwaál Sidoni, garmaawós oo baris. Aluudae iri laqwaál Heti.

¹⁶ Kana'ani sleeme a baabuú múk Yebusi, nee Amori, nee Girgashi,

¹⁷ nee múk Hifi, nee Arki nee Sini,

¹⁸ nee múk Arfadi, nee Semari nee Hamati. Aluudae tlahh'aá dimbadimbé awa Kana'ani tari tsiyayaaxaát.

¹⁹ Digmuú yaamaá múk Kana'ani dír iwa iimu/ún a iimír Sidoni, bihhaá basko ay gixsár Gerari, iisaapoó gixsár Gasa, nee bihhaá da/aawe ay Sodoma nee Gomora, nee Adma nee Seboimu, iisaapoó gixsár Lasha.

²⁰ Kuká' an na/aá daaqoó Hamu adoodár tlahhi'ii'ín i dirii'iya' nee tsifrir'ine, yaamuuín nee xooror'ine.

²¹ Shemu, hhiyoó úr oo Yafeti sleeme, na/ii gina laqwaál. Inós an baabuú tlahh'i sleémeero awa múk Ebrania.

²² Daaqoó Shemu a Elamu, nee Ashuru, nee Arpakshadi, nee Ludi nee Aramu.

²³ Nee daaqoó Aramu a Usi, nee Huli, nee Geteri nee Mashi.

²⁴ Arpakshadi Shela guri laqwaál, Shela Eberi guri laqwaál.

²⁵ Eberi daaqoó tsár guri laqwaál, oo wák umuuwós a Pelegi asma qoomaarós tidae muu ina diyaya/aát baraá yaamuwo. Hhiyaawós umuuwós a Yoktani.

²⁶ Yoktani iri laqwaál Almodadi, nee Shelefu, nee Hasarmaweti, nee Yera,

²⁷ nee Hadoramu, nee Usali, nee Dikla,

²⁸ nee Obali, nee Abimaeli, nee Sheba,

²⁹ nee Ofiri, nee Hafila, nee Yobabu. Kuká' sleémeero an daaqoó Yoktani.

³⁰ Dír hotaaín a iimír yaamaá Mesha ay gixsár Sefari, tidá' gawaá tlom'aá da/aáw i dirii'.

³¹ Kuká' an daaqoó Shemu adoodár tlahhi'ii'ín i dirii'iya' nee tsifrir'ine, nee yaamuine nee xooror'ine.

³² Adoorí an adór tlahh'aá daaqoó Noa i dirii'iya', adór xwaylar'ín nee xooror'ine. Baraá mukwihe xoordu sleémeero nina tsiyayaaxatiyé' baraá yaamu alaá tluwoó da/atene.