HOSEA 3 - Biblía Axweesantá Hhohho' ar Mungú 2004

Hosea nee /ameenír fuquso'o

¹ AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

² Aníng /ameenirí ana parheemaá peésaárí haniís awa mibaá nee kooán nee guniyár wák nee tlaqi ar angaánoó shayiíri.

³ Aníng ngiri báw, «Dir'eé' wa hootang deelór yaariire, fuqi maweek nee hhawaatuú hatlá' mu geemawaar, aníng a kók.»

⁴ Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

⁵ Aluuwo múk Israeli i kii/, AAKOÓ MUNGÚ Munguúín kway leelehhiit, nee Daudi waawutmooín. De'emaá alhhe'eesaywo niri ki/iyá' amór AAKOÓ MUNGÚ nee hhooeemawós ar ilaiwa/ame.