FAARO 7 - Biblía Axweesantá Hhohho' ar Mungú 2004

Ilahhooár geeraharuuse aa hanmís

¹ Bál Mose heémaadá' hhoohhoo' tleehhamooro ngiwa hhe'eés, gana iimbalaáx ar di/i, nee gari paraátl dinkwa nee xooslaarós sleémeero as Mungú. Inós sleeme kitángw ilahhooa nee xooslarós sleémeero gina dí/tár iimbalaáx, giri paraátl as Mungú.

² Aluuwo geeraharuusér Israeli niri hardát as ilahhooa ngiwa haniisiya'. Inooín an kudaá geeraharuusér tlahhi'i, kudá' faarór muu ngaa sagesihhiitiye'.

³ Inooín ilahhooar'ín ngina huwiyé' dír AAKOÓ MUNGÚ. Muruú naa huwiyé' a kwí: Gaardaá taa tuuntuúk a lahhoó', nee awe a mibaá nee tsár. Umuúqo geeraharuusér tsár gaárí a wak, nee umuúqo geeraharusmo awuuwós a wak. Muruuwí kuna huúw dír heémadá' hhoohhoo'.

⁴ AAKOÓ MUNGÚ Mose guri báy,

⁵ «Muruudá' tinda hanmiís ilaooheek as kuwa afér heémár Mungúr tlaaqi, ku hanís dír umuúqo heé tlahhoó Laáwiwo ar adoodá' gadiyeérós i diri'.»

⁶ Naagáy Mose gaarduudá' nee aweedae giri ilaaóh, giri dír múk tlahhoó Laáwi haniís.

⁷ Hhay Gershoni kina gaardaá tsár i haniís nee awe tsiyáhh, ar adoodá' gadiyér'ín i diri',

⁸ nee hhay Merari kana gaardaá tsiyáhh i haniís nee awe dakaát, ar adoodá' gadiyér'ín i diri', nee geeraharusmooín a Itamari garmoó kaahamusmo Aroni.

⁹ Ala Mose múk hhay Kohati gár ngway haniís tam ar niiná i káhh. Asma gadiyér'ín a xosluudá' hhohho' kan amohhe'eemiis, tidá' hariim kawa loohisi ar gawaá sum'i.

¹⁰ Geeraharuuseerí ilahhooa gana hanís as kitangwduú ilahhooa kuwa paraatli, kudá' taa iimbalaáx ar di/i. Ilahhooar'ín ngina haniisiyé' dír geeraá kitangwduú ilahhooa.

¹¹ Asma AAKOÓ MUNGÚ Mose guna báy, «Umuú baalaaro geeraharusmoó wák ilahhooarós gan haniis as kitangwduú ilahhooa kuwa paraatli.»

¹² Naagáy, bál geeraawo heé ilahhooa gaa huuw a Nashoni garmoó Aminadabu, heé tlahhoó Yuda.

¹³ Ilahhooarós a tí: Sahanír wák ar taa tleéhh ar peésa, iilooeemaawós a kílo wak nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

¹⁴ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

¹⁵ nee awuú wák oo batlitamo, nee gwaanduú wák, nee deelmoó gwaanda oo kurkú wák, muruuwí sleémeero a ilahhooár da/a.

¹⁶ Gurtuú wák guna huúw as tawa ilahhooár tlakweema hingeesa.

¹⁷ Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán awa afiqoomoó kurkú wák. Muruuwí an ilahhooár Nashoni garmoó Aminadabu.

¹⁸ Bál tsár tari Netaneli garmoó Suari, geeraharusmoó tlahhoó Isakari.

¹⁹ Inós muruú aa haniís a kwí: Sahaánír wák ar taa tleéhh ar peésa iilooeemaawós a kílo wák nee tlaqi, nee iimpér wák ar ta tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

²⁰ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

²¹ nee awuú wák oo batlitamo, nee gwaanduú wák, nee deelmoó gwaanda oo kurkú wák. Muruuwí a ilahhooár da/a.

²² Gurtú wák nguna huúw as tawa ilahhooár tlakweema hingeesa.

²³ Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán awa kurkú wák. Muruuwí sleémeero an ilahhooár Netaneli garmoó Suari.

²⁴ Bál tám tari Eliabu garmoó Heloni, geeraharusmoó tlahhoó Sebuluni.

²⁵ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedók nee di/i, as tawa ilahhooár balaangw.

²⁶ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

²⁷ nee awuú wák oo batlitamo, nee gwaanduú wák, nee deelmoó gwaanda oo kurkú wák.

²⁸ Gurtuú wák nguna huúw as tawa ilahhooár tlakweema hingeesa.

²⁹ Muruú ta tsu/i as ilahhooár wayda a kwí: Awe tsár nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí sleémeero an ilahhooár Eliabu garmoó Heloni.

³⁰ Bál tsiyáhh tari Elisuri garmoó Shedeuri, geeraharusmoó tlahhoó Reubeni.

³¹ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

³² Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

³³ nee awu wák oo batlitamo, nee gwaanduú wák, nee deelmoó gwaanda oo kurkú wák.

³⁴ Gurtuú wák nguna huúw as tawa ilahhooár tlakweema hingeesa.

³⁵ Muruú ta tsu/i as ilahhooár wayda a kwí: Awe tsár nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Elisuri garmoó Shedeuri.

³⁶ Bál kooán tari Shelumieli garmoó Suri-shadai, geeraharusmoó tlahhoó Simeon.

³⁷ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

³⁸ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

³⁹ nee awuú wák oo batlitamo, nee gwaanduú wák, nee deelmoó gwaanda oo kurkú wák.

⁴⁰ Gurtuú wák nguna huúw as tawa ilahhooár tlakweema hingeesa.

⁴¹ Muruú ta tsu/i as ilahhooár wayda a kwí: Awe tsár nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí sleémeero an ilahhooár Shelumieli garmoó Suri-shadai.

⁴² Bál lahhoó' tari Eliasafu garmoó Deuli, geeraharusmoó tlahhoó Gadi.

⁴³ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

⁴⁴ Muruú taa huúw as tawa ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁴⁵ nee awuú wák oo batlitamo, nee deelmoó gwaanda oo kurkú wák.

⁴⁶ Gurtuú wák nguna huúw as tawa ilahhooár tlakweema hingeesa.

⁴⁷ Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Eliasafu garmoó Deueli.

⁴⁸ Bál faanqw tari Elishama garmoó Amihudi, geeraharusmoó tlahhoó Efraimu.

⁴⁹ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

⁵⁰ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁵¹ nee awuú wák oo batlitamo, nee gwaanduú wák, nee deelmoó gwaanda oo kurkú wák.

⁵² Gurtuú wák nguna huúw as tawa ilahhooár tlakweema hingeesa.

⁵³ Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Elishama garmoó Amihudi.

⁵⁴ Bál dakaát tari Gamalieli garmoó Pedasuri, geeraharusmoó tlahhoó Manase.

⁵⁵ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

⁵⁶ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁵⁷ nee awuú wák oo batlitamo, nee gwaanduú wák, nee deelmoó gwaanda oo kurkú wák.

⁵⁸ Gurtuú wák guna huúw as tawa ilahhooár tlakweema hingeesa.

⁵⁹ Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deelo gwaandaawe kooán oo kurkú wák. Muruuwí sleémeero a ilahhooár wayda. Muruuwí an ilahhooár Gamalieli garmoó Pedasuri.

⁶⁰ Bál gwaleél tari Abidani garmoó Gideoni, geeraharusmoó tlahhoó Benyamini,

⁶¹ ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

⁶² Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁶³ nee awuú wák oo batlitamo, nee gwaanduú wák oo kurkú wák.

⁶⁴ Gurtuú wák guna huúw as tawa ilahhooár tlakweema hingeesa.

⁶⁵ Muruú ta tsu/i as ilahhooár wayda a kwí: Awe tsár, nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Abidani garmoó Gideoni.

⁶⁶ Bál mibaangw tari Ahieseri garmoó Amishadai, geeraharusmoó tlahhoó Dani.

⁶⁷ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedook nee di/i, as tawa ilahhooár balaangw.

⁶⁸ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁶⁹ nee awuú wák oo batlitamo, nee gwaanda oo kurkú wák.

⁷⁰ Gurtuú wák guna huúw as tawa ilahhooár tlakweema hingeesa.

⁷¹ Muruú ta tsu/i as ilahhooár wayda a kwí: Awe tsár nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Ahieseri garmoó Amishadai.

⁷² Bál mibaá nee wák tari Pagieli garmoó Okrani geeraharusmoó tlahhoó Asheri.

⁷³ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

⁷⁴ Muruú taa huúw as ilahhooár da/a a kwí: Slooqó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁷⁵ nee awuú wák oo batlitamo, nee gwaanduú wák, nee deelmoó gwaanda oo kurkú wák.

⁷⁶ Gurtuú wák guna huúw as tawa ilahhooár tlakweema hingeesa.

⁷⁷ Muruú ta tsu/i as ilahhooár wayda a kwí: Awe tsár nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí an ilahhooár Pagieli garmoó Okrani.

⁷⁸ Bál mibaá nee tsár tari Ahira garmoó Enani, geeraharusmoó tlahhoó Naftali.

⁷⁹ Ilahhooarós a tí: Sahaánír wák ar taa tleéhh ar peésa, iilooeemaawós a kílo wák nee tlaqi, nee iimpér wák ar taa tleéhh ar peésa, iilooeemaawós a graámu tsiire dakaát, ar qoomoó didá' hhoohhoo'. Sahaánirí nee iimpeero kaa hatsiís puuruú natsaatsaa'a, oo taa aleedoók nee di/i, as tawa ilahhooár balaangw.

⁸⁰ Muruú taa huúw as ilahhooár da/a a kwí: Slooqoó wák oo taa tleéhh ar sahaábu, iilooeemaawós a graámu tsiiruú wák nee mibaangw, mooyángw tsuua kwaa dalaá/,

⁸¹ nee awuú wák oo batlitamo, nee gwaanduú wák, nee deelmoó gwaanda oo kurkú wák.

⁸² Gurtuú wák guna huúw as tawa ilahhooár tlakweema hingeesa.

⁸³ Muruú ta tsu/i as ilahhooár wayda a kwí: Awe tsár nee gwaandaawe kooán, nee gurtaawe kooán, nee deeloó gwaandaawe kooán oo kurkú wák. Muruuwí sleémeero an ilahhooár Ahira garmoó Enani.

⁸⁴ Muruú taa ilahhooár wa hanmiís nee geeraharuusér Israeli bál tawa kitángw ilahhooár partliti, dinkwaaro a sahaánoó mibaá nee tsár oo taa tleéhh ar peésa, nee iimpu mibaá nee tsár awa taa tleéhh ar peésa, nee sahaánoó mibaá nee tsár oo taa tleéhh ar sahaábu.

⁸⁵ Umuúqo sahaánír peésaaro, iilooeemaawós a kílo wák nee tlaqi, nee umuúqo iimpeero iilooeemaawós a graámu tsiire dakaát. Gawaá adoorihe muruuwí sleémeero iilooeemaawo a kílo mibeeri tsár nee faanqw nee graámu tsiire lahhoó' ar qoomoó didá' hhoohhoo'.

⁸⁶ Slooqi'iidá' taa tleéhh ar sahaábu a mibaá nee tsár, kudá' hatsá' mooyango, umuú slooqayhe iilooeemaawós a graámu tsiiruú wák nee mibaangw, ar qoomoó didá' hhoohhoo', sleémeero iilooeemaawo a kílo wák nee graámu tsiire tám nee mibeeri tsár.

⁸⁷ Hikwaá taa ilahhooár da/tá wa haniís sleémeero a awe mibaá nee tsár, nee gwaandaawe mibaá nee tsár, nee deeloó gwaandaawe oo kurkú wák a mibaá nee tsár, dinkwa nee ilahhooar'ín ar balaangw. Gurtaawér taa haniís tawa ilahhooár tlakweema hingeesa a mibaá nee tsár.

⁸⁸ Muruú ta tsu/i as ilahhooár wayda dinkwaaro sleémeero a awe mibeeri tsár nee tsiyáhh, nee gwaandaawe mibeeri lahhoó', nee gurtaawe mibeeri lahhoó', nee deeloó gwaandaawe oo kurkú wák a mibeeri lahhoó'. Muruuwí kuna ilahhooár wa haniís qoomár tawa kitángw ilahhooár partliti, alaá kitaangw kuwa iimbalaáx ar di/i.

⁸⁹ Qoomár Mose iwa dáh baraá heémár Mungú as tawa axweesi nee AAKOÓ MUNGÚ, afo gana axaás bihhaá gawa awa kitangwduú gurtleemu, kuduú gawaá sandakmooduú alqado baraá tla/ángw slaqsi'iidá' tsár awa keruúbi. AAKOÓ MUNGÚ iri didá' wa axweés nee Mose.