FAARO 33 - Biblía Axweesantá Hhohho' ar Mungú 2004

Aa'aá tindiwa Misrír wa tláy ay Moabu

¹ Adoorí an adór xoorór Israeli ira hi'iimít iimír niwa yaamaá Misrír wa tlayé' ar daqooráy, nee kingiwa geeraharahari nee Mose nee Aroni.

² Mose umér yaamaá xafay'ín nguy tlehhiitiyé' baraá aaii'ine gana gooín ar adoodá' kwaa báy nee AAKOÓ MUNGÚ. Adoorí an adór digir wakeetíngw aaii'ín i dirii'i iimír tindiwa tláy.

³ Múk Israeli tindina gixsár Ramesesír wa tláy bál slahhángw geera tawa mibaá nee kooán, baalaadár alaá baalár Pasaáka. Tindina tláy dír ilaá múk Misri sleémeero wa ale ar pihhaay.

⁴ Qoomaarihe múk Misri ta baraá folituú na/ii'ín awa baris, kudá' taa tsuú/ nee AAKOÓ MUNGÚ. Asma ar tlehhemuuwihe AAKOÓ MUNGÚ munguii'ín gina sakwasleemuút sleeme.

⁵ Naagáy, múk Israeli tana Ramesesír wa tláy ay Sukoti, xafay'ín kuri didií tleéhh.

⁶ Tari Sukotír wa tláy ay Etamu afaá xaanxaay, xafay'ín kuri didií tleéhh.

⁷ Tari Etamúr wa tláy tari alií wayaá' ay Pi-hahiroti, tidá' nee Ba'al-sefoni ti ga/aawá', xafay'ín kuri didií tleéhh geeraá Migdoli.

⁸ Tari Pi-hahirotír wa tláy, tari waaraáhh ar baraá tla/ángw tlawtá Shamu, ay baraá xaanxoó Etamu. Tari baraá xaanxoó Etamúr wa hi'iimiít deelo tám, xafay'ín kuri tleéhh dír ta bay Mara.

⁹ Tari Marár wa tláy ay Elimu. Didár Elimuro kutloó ma'aay oo mibaá nee tsár i deer, nee didae xaa'aá mibeeraá faanqw awa slaansla i dayá', xafay'ín kuri didií tleéhh.

¹⁰ Tari Elimúr wa tláy ay iisaapoó tlawtá Shamu, xafay'ín kuri didií tleéhh.

¹¹ Tari didár tlawtá Shamúr wa tláy ay xaanxoó Sini, xafay'ín kuri didií tleéhh.

¹² Tari baraá xaanxoó Sinír wa tláy ay Dofka, xafay'ín kuri didií tleéhh.

¹³ Tari Dofkár wa tláy ay Alushi xafay'ín kuri didií tleéhh.

¹⁴ Tari Alushír wa tláy ay Refidimu, xafay'ín kuri didií tleéhh. Didaádae hhaynuú ma'aá wahaangw i kaahh.

¹⁵ Tari Refidimúr wa tláy ay xaanxoó Sinai, xafay'ín kuri didií tleéhh.

¹⁶ Tari xaanxoó Sinaír wa tláy ay Kibrot-hata'afa, xafay'ín kuri didií tleéhh.

¹⁷ Tari Kibrot-hata'afár wa tláy ay Haseroti, xafay'ín kuri didií tleéhh.

¹⁸ Tari Haserotír wa tláy ay Ritma, xafay'ín kuri didií tleéhh.

¹⁹ Tari Ritmár wa tláy ay Rimon-peresi, xafay'ín kuri didií tleéhh.

²⁰ Tari Rimon-peresír wa tláy ay Libna, xafay'ín kuri didií tleéhh.

²¹ Tari Libnár wa tláy ay Risa, xafay'ín kuri didií tleéhh.

²² Tari Risár wa tláy ay Kehelata, xafay'ín kuri didií tleéhh.

²³ Tari Kehelatár wa tláy ay Sheferi, xafay'ín kuri didií tleéhh.

²⁴ Tari dír tloomár Sheferír wa tláy ay Harada, xafay'ín kuri didií tleéhh.

²⁵ Tari Haradár wa tláy ay Makeloti, xafay'ín kuri didií tleéhh.

²⁶ Tari Makelotír wa tláy ay Tahati, xafay'ín kuri didií tleéhh.

²⁷ Tari Tahatír wa tláy ay Tera, xafay'ín kuri didií tleéhh.

²⁸ Tari Terár wa tláy ay Mitka, xafay'ín kuri didií tleéhh.

²⁹ Tari Mitkár wa tláy ay Hashmona, xafay'ín kuri didií tleéhh.

³⁰ Tari Hashmonár wa tláy ay Moseroti, xafay'ín kuri didií tleéhh.

³¹ Tari Moserotír wa tláy ay Bene-ya'akani, xafay'ín kuri didií tleéhh.

³² Tari Bene-ya'akanír wa tláy ay Hor-hagidgadi, xafay'ín kuri didií tleéhh.

³³ Tari Hor-hagidgadír wa tláy ay Yot-bata, xafay'ín kuri didií tleéhh.

³⁴ Tari Yot-batár wa tláy ay Abrona, xafay'ín kuri didií tleéhh.

³⁵ Tari Abronár wa tlay ay Esion-geberi, xafay'ín kuri didií tleéhh.

³⁶ Tari Esion-geberír wa tláy ay xaanxoó Sini (laqaá Kadeshi), xafay'ín kuri didií tleéhh.

³⁷ Tari Kadeshír wa tláy ay tloomár Hori, iisaapoó yaamaá Edomu, xafay'ín kuri didií tleéhh.

³⁸ Kaahamusmo Aroni iri tsa/án gawaá tloomár Hori ar adoodá' kura hara'ayín nee AAKOÓ MUNGÚ, inós iri gawaadá' i gwaá', bál slahhángw kooán tawa wak, oo kurkú mibeeri tsiyáhh iimír múk Israeli niwa yaamaá Misrír wa tláy.

³⁹ Qoomár Aroni iwa gwaá' gawaá tloomár Hori, kureeriiwós a tsiiru nee mibeeri tsár nee tám.

⁴⁰ Waawutmo Aradi, heé Kana'ani, kudá' Negebúr baraá Kana'anír wa hoót, inós kaangw guna axaás adór múk Israeli nir hi'iít.

⁴¹ Múk Israeli tari didár tloomár Horír wa tláy ay Salmona, xafay'ín kuri didií tleéhh.

⁴² Tari Salmonár wa tláy ay Punoni, xafay'ín kuri didií tleéhh.

⁴³ Tari Punonír wa tláy ay Oboti, xafay'ín kuri didií tleéhh.

⁴⁴ Tari Obotír wa tláy ay Iye-abarimu, baraá yaamaá Moabu, xafay'ín kuri didií tleéhh.

⁴⁵ Tari Iye-abarimúr wa tláy ay Dibon-gadi, xafay'ín kuri didií tleéhh.

⁴⁶ Tari Dibon-gadír wa tláy ay Almon-diblataimu, xafay'ín kuri didií tleéhh.

⁴⁷ Tari Almon-diblataimúr wa tláy, xafay'ín kuri tleéhh baraá tlom'aá Abarimu bihhaá tloomár Nebo.

⁴⁸ Tari baraá tlom'aá Abarimúr wa tláy, xafay'ín kuri tleéhh baraá xatstá Moabu, afaá yaaér Yordani, didá' nee Yeriko ti ga/aawá'.

⁴⁹ Xafay'ín kuna baraá xatstá Moabú i tleéhh iisaapoó yaaér Yordani tla/ángw Bet-yeshimoti nee xatstá Abel-shitimu.

Hara'aya dír tara waarahhiká Yordaniro

⁵⁰ AAKOÓ MUNGÚ ina axweés dír Mose, baraá xatsaá Moabuwo wa ale, dír iisaapoó Yordani amór Yeriko, iwa kaahi,

⁵¹ «Nee múk Israeli axweesé' ki beer, qoomár bár yaaér Yordani aga waarahhé', tari daté' baraá yaamaá Kana'ani,

⁵² kuungá' yaamuloouusér yaamuudá' sleémeero guusaak, tlaa/eeín kudá' taa tleéhh awa murslaaqat hhitimaak, nee slaqsi'iidá' taa kwahhuút hhaamisaak, wa/aamer'ín tidár ilahhooa fee/aak.

⁵³ Yaamuuín hayoohaak kiwa hota', asma ngaa kuungií haniís tawa aalirhúng.

⁵⁴ Yaamu kiri qasisá' ar loohír tsawdo adoodá' múk guruú doó wák i dirii'i, tlahhoó muu yaariír yaamuuín kin urees, tlahhoó muu niiná yaamuuín ki niina. Umuúqo heewo tidá' aa sláy ar loohír tsawdoorí a tós an alá' ar adoodá' gur'ér tlahhi'ii'ín i dirii'iya'.

⁵⁵ Ala barnaxés yaamuloouusér yaamuusíng aga geerií gusi'iika, daqaní dirhunge a adór ilaá taa áy nee tsiriingw, nee adór laqeelo baraá bihherhúng, inooín kuungá' nun slahh'eemisiyá' baraá yaamaá tay hotaá eera'a.

⁵⁶ Aníng adoodá' naa tsabiím daanduuine ngi kuungá' i tleéhh.»