FAARO 26 - Biblía Axweesantá Hhohho' ar Mungú 2004

Faarór muu ar sagaáwa tsár

¹ Alaá tiqtidaádae, AAKOÓ MUNGÚ Mose nee Eleasari garmoó Aroni kaahamusmoó Mungú giri báy,

² «Dinku'uumár múk Israeli sleémeero faaraak, iimír kureeraá mibeeraá tsár wa oohang, umuú heewo ku faari ar adoodá' gur'ér maray'ín i diri', umuúqo heé Israeli oo afiqoomár slaqwara gaa ay.»

³ Mose nee kaahamusmoó Mungú Eleasari muu kuri i axweés baraá xatstá Moabuú wa ale, didár gayuú yaaér Yordani, nee Yeriko ti ga/aawá', kiri báy,

⁴ «Muu faaraak iimír heé kureeraá mibeeraá tsár wa oohang, adoodá' AAKOÓ MUNGÚ Mose ngura hara'ayín.» Faarór múk Israeli oo Misrír daáhh a tí:

⁵ Múk tlahhoó Reubeni, garmoó baris oo Yakobo a kwí: Guruú doó Hanoki, nee oo doó Palu,

⁶ nee oo doó Hesroni nee oo doó Karmi.

⁷ Gaarí an gur'ér tlahhoó Reubeni. Hhawaate kilooín kiwa faár a kume mibeeri tsiyáhh nee tám nee tsiire faanqw nee mibeeraá tám.

⁸ Xwaylár Palu a tí: Eliabu nee

⁹ daaqaywós, nee Nemueli, nee Datani nee Abiramu (kukaáká' tsaarawo: Datani nee Abiramu an kudá' taa tsawaár baraá tla/ángw muko, ala inooín Mose nee Aroni kina sií', tari haragwaá' amór bartá múk Kora gwaa eehaar qoomár niwa dee/anutiyé' dír AAKOÓ MUNGUHE.

¹⁰ Qoomaadae yaamu afa nguna awaatlyé' inooín kiri guú/ nee Korawo tari alqaátl, nee bartidá' Kora gwaa eehadi qoomár asla múk tsiire tsár nee mibeeraá kooán nguwa qororo'ós. Tari adór naanaqa dír muko.

¹¹ Tam adoorihe daaqoó Kora aa qatliiká.)

¹² Múk tlahhoó Simeon gur'ér maray'ín a tí: Guruú doó Nemueli, nee oo doó Yamini, nee oo doó Yakini,

¹³ nee oo doó Sera nee oo doó Saulo.

¹⁴ Gaarí an gur'ér tlahhoó Simeon. Hhawaate kilooín kiwa faár dinkwaaro a kume mibeeri tsár nee tsár nee tsiire tsár.

¹⁵ Múk tlahhoó Gadi gur'ér maray'ín a tí: Guruú doó Sefoni nee oo doó Hagi, nee oo doó Shuni,

¹⁶ nee oo doó Osni, nee oo doó Eri,

¹⁷ nee oo doó Arodi nee oo doó Areli.

¹⁸ Gaarí an gur'ér tlahhoó Gadi. Hhawaate kilooín kiwa faár a kume mibeeri tsiyáhh nee tsiire kooán.

¹⁹ Daaqoó Yuda a Eri nee Onani. Inooín nina qatliyé' baraá yaamaá Kana'ani.

²⁰ Múk tlahhoó Yuda gur'ér maray'ín a tí: Múk guruú doó Shela, nee oo doó Peresi, nee oo doó Serawo.

²¹ Xwaylár Peresi a múk guruú doó Hesroni nee oo guruú doó Hamuli.

²² Gaarí an gur'ér tlahhoó Yuda. Hhawaate kilooín kiwa faár a kume mibeeri faanqw nee lahhoó' nee tsiire kooán.

²³ Múk tlahhoó Isakari gur'ér maray'ín a tí: Guruú doó Tola, nee oo doó Pufa,

²⁴ nee oo doó Yashubu, nee oo doó Shimroni.

²⁵ Gaarí an gur'ér tlahhoó Isakari. Hhawaate kilooín kiwa faár a kume mibeeri lahhoó' nee tsiyáhh nee tsiire tám.

²⁶ Múk tlahhoó Sebuluni gur'ér maray'ín a tí: Guruú doó Seredi, nee oo doó Eloni, nee oo doó Yale'eli.

²⁷ Gaarí an gur'ér tlahhoó Sebuluni. Hhawaate kilooín kiwa faár a kume mibeeri lahhoó' nee tsiire kooán.

²⁸ Tlahhoó Yosefu guruú doó Manase nee oo doó Efraimuwo a kwí:

²⁹ Múk tlahhoó Manase a kwí: Guruú doó Makiri, Makiri an baabuú Gileadi, nee gur'eerí dír na dáhh a baraá xwaylár Gileadi:

³⁰ Múk tlahhoó Gileadi a kwí: Múk guruú doó Yeseri nee oo doó Heleki,

³¹ nee oo doó Asrieli, nee oo doó Shekemu,

³² nee oo doó Shemida nee oo doó Heferi.

³³ Selofehadi, garmoó Heferi, na/aá daaqaay gaa slayká, na/iiwós a dasu kilós. Umer'ín a tí: Mala nee Noa, nee Hogla, nee Milka nee Tirsa.

³⁴ Gaarí an gur'ér tlahhoó Manase. Hhawaate kilooín kiwa faár a kume mibeeri kooán nee tsár nee tsiire faanqw.

³⁵ Múk tlahhoó Efraimu gur'ér maray'ín a tí: Guruú doó Shutela, nee oo doó Bekeri, nee oo doó Tahani.

³⁶ Xwaylár Shutela an hhay Erani.

³⁷ Gaarí an gur'ér tlahhoó Efraimu, hhawaate kilooín kiwa faár a kume mibeeri tám nee tsár nee tsiire kooán. Gaarí an gur'ér xwaylár Yosefu.

³⁸ Múk tlahhoó Benyamini gur'ér maray'ín a tí: Guruú doó Bela, nee oo doó Ashbeli, nee oo doó Ahiramu,

³⁹ nee oo doó Shufamu nee oo doó Hufamuwo.

⁴⁰ Daaqoó Bela a Ardi nee Na'amani. Aluuwo guruú doó Ardi niri ti'iít nee guruú doó Na'amani.

⁴¹ Gaarí an gur'ér tlahhoó Benyamini. Hhawaate kilooín kiwa faár a kume mibeeri tsiyáhh nee kooán nee tsiire lahhoó'.

⁴² Múk tlahhoó Dani gur'ér maray'ín a tí: Guruú doó Shuhamu. Gaarí an gur'ér tlahhoó Dani.

⁴³ Guruú doó Shuhamu sleémeero hhawaate kilooín kiwa faár a kume mibeeri lahhoó' nee tsiyáhh nee tsiire tsiyáhh.

⁴⁴ Múk tlahhoó Asheri gur'ér maray'ín a tí: Guruú doó Imna, nee oo doó Ishfi nee oo doó Beria.

⁴⁵ Xwaylár Beria a guruú doó Heberi nee oo doó Malkieli.

⁴⁶ Dasír Asheri ka bay Sera.

⁴⁷ Gaarí an gur'ér tlahhoó Asheri. Hhawaate kilooín kiwa faár a kume mibeeri kooán nee tám nee tsiire tsiyáhh.

⁴⁸ Múk tlahhoó Naftali gur'ér maray'ín a tí: Guruú doó Yase'eli nee oo doó Guni,

⁴⁹ nee oo doó Yeseri nee oo doó Shilemu.

⁵⁰ Gaarí an gur'ér tlahhoó Naftali. Hhawaate kilooín kiwa faár a kume mibeeri tsiyáhh nee kooán nee tsiire tsiyáhh.

⁵¹ Múk Israeli oo taa faár hhawaate kilooín a kume tsiire lahhoó' nee wak, nee tsiire faanqw nee mibeeri tám.

⁵² AAKOÓ MUNGÚ iri axweés dír Mose, guri báy,

⁵³ «Tlahhi'iiká' ki yaamií qasís tawa aalir'ín ar adoodá' umer'ín i diri'.

⁵⁴ Tlahhaydá' úr dir'ine, yaamuuín awa ur ki hanís, nee tlahhaydá' niiná dir'ine yaamuuín awa niina ki hanís. Umuúqo tlahhaywo yaamuuín awa ta aali kin haniis kiri alqoomees nee faarór muk'ín.

⁵⁵ Tam adoorihe yaamu kin qasiis ar loohír tsawdo. Umuúqo tlahhaywo yaamuuín giri aal ar adoodá' umér tlahh'ii'ín i diri'.

⁵⁶ Umuúqo tlahhaywo yaamuuín awa ta aali kin qasiis ar loohír tsawdo nee yaamuuín kin sláy ar adoodá' tlahhaay kur úr, laqaá adoodá' tlahhaay kur niiná.»

⁵⁷ Gaarí an faarór tlahhoó Laáwi ar adoodá' gur'ér maray'ín i diri': Guruú doó Gershoni, nee oo doó Kohati nee oo doó Merari.

⁵⁸ Gur'eerí sleeme ar tlahhoó Laáwi: Guruú doó Libni, nee oo doó Hebroni, nee oo doó Mahli, nee oo doó Mushi nee oo doó Kora. Kohati an baabuú Amramu.

⁵⁹ Harér Amramu a Yokebedi dasír Laáwi too aáng taa laqwaál baraá yaamaá Misri. Tí an tidá' Amramu ngwaa daaqoó tsárí xwayluur, Aroni nee Mose, nee dasír wák, umuuwós ku bay Miriamu.

⁶⁰ Aroni na/aá daaqaay ngi kon tsiyáhh, Nadabu, nee Abihu, nee Eleasari nee Itamari.

⁶¹ Ala Nadabu nee Abihu tana qaátl qoomár asltá hhoohhooeeká kawa daá/ dír AAKOÓ MUNGÚ.

⁶² Faarór tlahhoó Laáwi hhawaate kilooín, iimír na/oó niiná oo garma oo slahhángw wák wa oohang, a kume mibeeri tsár nee tám. Inooín kaa harafaariiká dinkwa nee múk Israeli, asma inooín aali nga slay'iiká adór múk Israelír wa ale.

⁶³ Kukaáká' an hhawaataá Israeli awa taa faár nee Mose nee Eleasari, kuduú kaahamusmoó Mungú, baraá xatstá Moabú wa ale, dír afaá yaaér Yordani, didá' nee Yeriko ti ga/aawá'.

⁶⁴ Baraá tla/angw'ine tam heé wák oo taa faár i kaahh, baraá mukdá' taa geerií faari nee Mose nee Aroni, kaahamusmoó Mungú baraá xaanxoó Sinaír wa ale.

⁶⁵ Asma qoomaadae AAKOÓ MUNGÚ ina oó', «Kuká' sleémeero i qatliyá' baraá xaanxáy ale.» Ar ló', tam heé wák i kaahh oo aa gwaaiiká, ala aqo har Kalebu garmoó Yefune, nee Yoshua garmoó Nuni.