ESTA 10 - Biblía Axweesantá Hhohho' ar Mungú 2004

Uroó Ahasuero nee oo Mordekai

¹ Waawutmo Ahasuero ohme gari ohín baraá ayeemoowo nee baraá ayeemaá afaá tlawto.

² Tlehhmi'iiwós sleémeero awa /uuruú koomá' nee pihh'uuma, nee kángw ilaiwa/amér ur tidá' waawutmo aa dír Mordekai tleéhh kaa gooinkáhe baraá kitaábuú qom'i oo waawituú Media nee oo Persia.

³ Asma Mordekai kuduú Yahudumo tay heé tsár alaá waawutmo Ahasuerowo, nee heé úr baraá tla/ángw múk Yahudiro, hhaeewós gina sla'atís, mukós guna hhooeemí leelehhiít, mukós guna axweesanoó waydií axweés.