ESRA 2 - Biblía Axweesantá Hhohho' ar Mungú 2004

Faarór múk naa baraá looháy wa waatl

¹ Mukwí an kuduú aya, kudá' naa waatl baraá loohaywo, kudá' Nebukadnesa, waawutmoó Babuloni aa loohatís ay yaamaá Babuloni, inooín tay kií/ yaamaá Yerusalemu nee awa Yuda, umuú heewo ayaawós.

² Inooín tina alkoné' nee Serubabeli nee Yeshua, nee Nehemia, nee Seraya, nee Re'elaya, nee Mordekai, nee Bilshani, nee Mispari, nee Bigwai, nee Rehumu nee Ba'ana. Faarór hhawaataá tlahh'aá Israeli a tí:

³ Hhay Paroshi a kume tsár tsiiruú wák mibeeri faanqw nee tsár

⁴ Hhay Shefatia a tsiire tám nee mibeeri faanqw nee tsár

⁵ Hhay Ara a tsiire faanqw nee mibeeri faanqw nee kooán.

⁶ Hhay Pahat-moabu na/aá Yeshua nee Yoabu a kume tsár tsiire dakaát nee mibaá nee tsár.

⁷ Hhay Elamu a kumuú wák tsiire tsár mibeeri kooán nee tsiyáhh.

⁸ Hhay Satu a tsiire gwaleél mibeeri tsiyáhh nee kooán.

⁹ Hhay Sakai a tsiire faanqw nee mibeeri lahhoó'.

¹⁰ Hhay Bani a tsiire lahhoó' mibeeri tsiyáhh nee tsár.

¹¹ Hhay Bebai a tsiire lahhoó' mibeeri tsár nee tám.

¹² Hhay Asgadi a kumuú wák tsiire tsár mibeeri tsár nee tsár.

¹³ Hhay Adonikamu a tsiire lahhoó' mibeeri lahhoó' nee lahhoó'.

¹⁴ Hhay Bigwai a kume tsár mibeeri kooán nee lahhoó'.

¹⁵ Hhay Adini a tsiire tsiyáhh mibeeri kooán nee tsiyáhh.

¹⁶ Hhay Ateri, na/aá Hesekia a mibeeri gwaleél nee dakaát.

¹⁷ Hhay Besai a tsiire tám mibeeri tsár nee tám.

¹⁸ Hhay Yora a tsiiruú wák nee mibaá nee tsár.

¹⁹ Hhay Hashumu a tsiire tsár mibeeri tsár nee tám.

²⁰ Hhay Gibari a mibeeri gwaleél nee kooán.

²¹ Múk yaamaá Betilehemu a tsiiruú wák nee mibeeri tsár nee tám.

²² Múk yaamaá Netofa a mibeeri kooán nee lahhoó'.

²³ Múk yaamaá Anatoti a tsiiru nee mibeeri tsár nee dakaát.

²⁴ Múk yaamaá Asmaweti a mibeeri tsiyáhh nee tsár.

²⁵ Múk yaamaá Kiriat-yearimu, nee Kefira, nee Be'eroti a tsiire faanqw mibeeri tsiyáhh nee tám.

²⁶ Múk yaamaá Rana nee Geba a tsiire lahhoó' mibeeri tsár nee wak.

²⁷ Múk yaamaá Mikmashi a tsiruú wák mibeeri tsár nee tsár.

²⁸ Múk yaamaá Beteli nee Ai a tsiire tsár mibeeri tsár nee tám.

²⁹ Hhay Nebo a mibeeri kooán nee tsár.

³⁰ Hhay Magbishi a tsiiruú wák mibeeri kooán nee lahhoó'.

³¹ Hhay Elamu, kudá' hatlá' a kumuú wák tsiire tsár mibeeri kooán nee tsiyáhh.

³² Hhay Harimu a tsiire tám nee mibeeri tsár.

³³ Múk yaamaá Lodi nee Hadidi nee Ono a tsiire faanqw mibeeri tsár nee kooán.

³⁴ Múk yaamaá Yeriko a tsiire tám mibeeri tsiyáhh nee kooán.

³⁵ Hhay Sena'a a kume tám tsiire lahhoó' nee mibeeri tám.

³⁶ Kaahamuusér naa baraá looháy wa ki/ a tí: Hhay Yedaya, kudaá xwaylár Yeshua a tsiire gwaleél mibeeri faanqw nee tám.

³⁷ Hhay Imeri a kumuú wák nee mibeeri kooán nee tsár.

³⁸ Hhay Pashuri a kumuú wák nee tsiire tsár nee mibeeri tsiyáhh nee faanqw,

³⁹ awa hhay Harimu a kumuú wák nee mibaá nee faanqw.

⁴⁰ Múk Laáwi oo naa baraá looháy wa waatl a kwí: Xwaylár Hodafia ar guruú doó Yeshua nee Kadmieli a mibeeri faanqw nee tsiyáhh.

⁴¹ Xwaylár Asafu kudaá daauusér doó Mungú dinkwaaro a tsiiruú wák mibeeri tsár nee dakaát.

⁴² Múk Doo Mungú gu xumxaxuúm a kwí: Hhay Shalumu nee hhay Ateri, nee hhay Talmoni, nee hhay Akubu, nee hhay Hatita, nee hhay Shobai, dinkwaaro sleémeero a tsiiruú wák mibeeri tám nee gwaleél.

⁴³ Sagadiyuusér doó Mungú a ti: Hhay Siha nee hhay Hasufa, nee hhay Tabaoti,

⁴⁴ nee hhay Kerosi, nee hhay Siaha, nee hhay Padoni,

⁴⁵ nee hhay Lebana, nee hhay Hagaba, nee hhay Akubu,

⁴⁶ nee hhay Hagabu, nee hhay Shalmai, nee hhay Hanani,

⁴⁷ nee hhay Gideli, nee hhay Gahari, nee hhay Reaya,

⁴⁸ nee hhay Resini, nee hhay Nekoda, nee hhay Gasamu,

⁴⁹ nee hhay Usa, nee hhay Pasea, nee hhay Besai,

⁵⁰ nee hhay Asna, nee hhay Meunimu, nee hhay Nefisimu,

⁵¹ nee hhay Bakbuki, nee hhay Hakufa, nee hhay Harhuri,

⁵² nee hhay Basluti, nee hhay Mehida, nee hhay Harsha,

⁵³ nee hhay Barkosi, nee hhay Sisera nee hhay Tema,

⁵⁴ nee hhay Nesia, nee hhay Hatifa.

⁵⁵ Na/aá sagadiyuusér Solomon a kuká': Hhay Sotai, nee hhay Hasofereti, nee hhay Peruda,

⁵⁶ nee hhay Ya'ala, nee hhay Darkoni, nee hhay Gideli,

⁵⁷ nee hhay Shefatia, nee hhay Hatili, nee hhay Pokeret-hasebaimu, nee hhay Ami.

⁵⁸ Sagadiyuusér doó Mungú dinkwa nee na/aá sagadiyuusér Solomonuwo a tsiire tám mibeeri gwaleél nee tsár.

⁵⁹ Múk ayeemooká' sleeme nina waátl: Oo Tel-mela, nee yaamaá Tel-harsha, nee yaamaá Kerubu nee Adani nee Imeri. Ala inooín taa ooi'iiká adór tar awa xwaylár Israeli.

⁶⁰ Baraá tla/angw'ine kookaariya' awa hhay Delaya, nee hhay Tobia, nee hhay Nekoda a tsiire lahhoó' mibeeri kooán nee tsár.

⁶¹ Kaahamuusér naa watl a tí: Hhay Habaya, nee hhay Hakosi, nee hhay Barsilai, Barsilaiwí a kudá' dasír Barsilai gaa duux kuduú Gileadi, inós kuri umuuínár ateét.

⁶² Mukwí umer'ín kana leelehhiít baraá tlahhi'iiwo ala kaa slayká, gawaá adoorihe inooín kiri sií' harafaarooro tawa kaahamuuse, asma inooín kin harmeetín.

⁶³ ga/aawusmo giri báy, inooín i harina'aaká muruú /aymaadá' hhohhó' nguwa /ayiya' ay dír kaahamusmoó Mungú nay hardihi ado ngiri oo' ar loohír Urimu nee Tumimu.

⁶⁴ Mukwí sleémeero dinkwaaro a muu kume mibeeri tsiyáhh nee tsár nee tsiire tám nee mibeeri lahhoó'.

⁶⁵ Slám dinkwa nee tihe lawaalér sagadiyuusér hhawaate nee /ameena i deer, inooín a kume faanqw tsiire tám mibeeri tám nee faanqw. Nee daauuse hhawaate nee /ameenaaro a tsiire tsár.

⁶⁶ Farsuuín a tsiire faanqw mibeeri tám nee lahhoó', wayshamaín a tsiire tsár mibeeri tsiyáhh nee kooán,

⁶⁷ angamiaduuín a tsiire tsiyáhh mibeeri tám nee kooán, nee daqwaayer'ín a kume lahhoó' tsiire faanqw nee mibeeri tsár.

⁶⁸ Nee bahh'alé múk urén oo tlahh'aá baabi'ii'ín, qoomár tawa hardáh Doó AAKOÓ MUNGÚ kuduú Yerusalemu, daqaari'iima kana hanmiís ar sla'aari as alee/isoó tlehhmuú Doó Mungú dirós tidá' aáng i dirii'i.

⁶⁹ Ar adór aleesleemuín i dirii'i muruuín nguna hanisiyé', kuri qaás baraá tlakoó peésa kudá' tar gadiyuusi. Gár taa haniís dinkwaaro a kílo tsiire kooán ar sahaábu, nee kílo kume tsár tsiire tsiyáhh ar peésa, nee tlabaá tsiiruú wák awa kaahamuuse.

⁷⁰ Naagáy kaahamuuse nee múk tlahhoó Laáwi, tana hoót baraá gixsár Yerusalemúr wa ale. Ala daauuse nee xuumuuseero nee sagadiyuusér Doó Munguhe tana hoót baraá gixsaduín wa alé, nee tam múk Israeli sleémeero ina hoót baraá gixsaduín wa alé.