1 QOM'I 7 - Biblía Axweesantá Hhohho' ar Mungú 2004

Xwaylár Isakari

¹ Daaqoó Isakari a tsiyáhh, inooín a kuká': Tola, nee Pua, nee Yashubu nee Shimroni.

² Daaqoó Tola a kwí: Usi, nee Refaya, nee Yerieli, nee Yamai, nee Ibsamu, nee Shemueli. Inooín a múk urén baraá tlahhoó Tolawo, nee a múk miguuse baraá slaqwaraaro baraá qarti'ine, de'emaá Daudiwo a muu kume mibeeri tsár nee tsár nee tsiire lahhoó'.

³ Nee Usi garma ngu kon a wak a Israhia, Israhia iri laqwaál Mikaeli, nee Obadia, nee Yoeli nee Ishia, inós daaqay ngu kon kooán, inooín sleémeero a geeraharuuse.

⁴ Inooín tlaawaay ngwa duxuutiyé' ku yaariír nee na/ii ki ur, múk slaqwarár asláw a kume mibeeri tám nee lahhoó'.

⁵ Múk taa gooín baraá tlahhoó Isakariwo oo miguusér slaqwara a kume mibeeri dakaát nee faanqw.

Xwaylár Benyamini nee ar Dani

⁶ Benyamini daaqaay ngu kon a tám, a Bela, nee Bekeri, nee Yediaeli.

⁷ Bela daaqaay ngu kon a kooán a Esboni, nee Usi, nee Usieli, nee Yerimoti, nee Iri. Múk urén baraá tlahhay'ine nee oo miguusér slaqwara oo taa gooín a kume mibeeri tsár nee tsár nee mibeeri tám nee tsiyáhh.

⁸ Daaqoó Bekeri a kwí: Semira, nee Yoashi, nee Elieseri, nee Elieonai, nee Omri, nee Yeremoti nee Abiya, nee Anatoti, nee Alemeti. Kuká' sleémeero a xwaylár Bekeri.

⁹ Múk urén baraá tlahhay'ine nee oo miguusér slaqwara awa taa gooín a kume mibeeri tsár nee tsiire tsár.

¹⁰ Garmoó Yediaeli a Bilhani, nee daaqoó Bilhani a kwí: Yeushi, nee Benyamini, nee Ehudi, nee Kena'ana nee Setani, nee Tarshishi, nee Ahishahari.

¹¹ Kuká' sleémeero a daaqoó Yediaeli, ar adoodá' tlahh'aá baabi'ii'ín i dirii'iya' nee miguusér slaqwara a kume mibaá nee faanqw nee tsiire tsár. Mukwí a múk amohhoó' slaqwaraaro.

¹² Slám Shupimu nee Hupimu, daaqoó Iri, nee Hushimu garmoó Aheri, inooín sleeme awa tlahhaywí.

Xwaylár Naftali

¹³ Daaqoó Naftali a kwí: Yase'eli, nee Guni, nee Yeseri, nee Shalumu. Inooín an daa'awtá Bilha.

Xwaylár Manase

¹⁴ Daaqoó Manase a kwí: Asrieli, nee Makiri, /ameenidár Aramu ar quturmo wasl ngina xwayluúr, nee Makiri ina laqwaál Gileadi.

¹⁵ Makiri Hupimu nee Shupimu gina duuxutís, umuú hho'or'ín a Ma'aka, nee na/oó tsár ku bay Selofehadi, nee Selofehadi a dasu kilós gun kón.

¹⁶ Ma'aka harér Makiri iri xwayluúr, na/aay guri umií tsát, Pereshi, nee hhiyawós a Shereshi. Daaqoó Shereshi a Ulamu nee Rakemu.

¹⁷ Garmoó Ulamu a Bedani. Mukwí an xwaylár Gileadi, garmoó Makiri, nángw naangoó Manase.

¹⁸ Hho'ór Gileadi a Hamo-leketi, inós ina laqwál Ish-hodi, nee Abieseri nee Mala.

¹⁹ Daaqoó Shemida a kwí: Ahiani nee Shekemu nee Liki, nee Aniamu.

Xwaylár Efraimu

²⁰ Xwaylár Efraimu a tí: Efraimu ina laqwaál Shutela, Shutela ina laqwaál Beredi, Beredi ina laqwaál Tahati, nee Tahati ina laqwaál Eleada, nee Eleada ina laqwaál Tahati,

²¹ Tahati ina laqwaál Sabadi, Sabadi ina laqwaál Shutela, nee Shutela ina laqwaál Eseri, nee Eleadi. Kuká' an kudá' taa tsuú/ nee yaamuloouusér Gati as hikwaá múk Gati kiwa fiisór áy.

²² Baabuúín Efraimu ina tsuunqumiís as qatlor'ín deelór yaariire. Hhaeewós nina hardihiyé' as nguwa gurkwa/asiya'.

²³ Aluuwo Efraimu nee harerós tari qaát harerós iri tsít, na/aay gway xwayluúr umuuwós kway báy, Beria, asma amotlakwe do'ose kana sláy.

²⁴ Dasirós a She'era tidá' gixsadaá Bet-horoni tsaraawo gaa tlehh ar baraay nee ar gawto nee gixsár Usen-she'eraro.

²⁵ Efraimu ina laqwaál Refa, Refa ina laqwaál Reshefu, Reshefu ina laqwaál Tela, Tela ina laqwaál Tahani.

²⁶ Tahani ina laqwaál Ladani, Ladani ina laqwaál Amihudi, Amihudi ina laqwaál Elishama.

²⁷ Elishama ina laqwaál Nuni, Nuni ina laqwaál Yeshua.

²⁸ Inooín aalir'ín nee hotaaín a Beteli nee gixsaduine, bihhaá da/aáw awa Na'arani, bihhaá /uwa awa Geseri nee ayeemoine, tam Shekemu sleeme nee ayeemoowós, tam ay Aya nee ayeemoowós,

²⁹ nee ay dír digemaá tlahhoó Manase, nee Bet-sheani nee ayeemoowose, nee Ta'anaki nee ayeemoowose, nee Megido nee ayeemoowós nee Dori nee ayeemoowose. Baraá gixsaduká' an didá' xwaylár Yosefu garmoó Israeli aa hót.

Xwaylár Asheri

³⁰ Na/aá Asheri a kuká': Imna, nee Ishfa, nee Ishfi, nee Beria. Hho'or'ín a Sera.

³¹ Daaqoó Beria a kwí: Heberi nee Malkieli. Malkieli an baabuú Birsaiti.

³² Na/aá Heberi a kuká': Yafleti, nee Shomeri, nee Hotamu, nee dasír wák ar ta bay Shua.

³³ Na/aá Yafleti a kuká': Pasaki, nee Bimhali, nee Ashfati.

³⁴ Daaqoó hhiyaawós kudá' ta bay Shemeri a kwí: Roga nee Yehuba, nee Aramu.

³⁵ Daaqoó hhiyaawós kudá' ta bay Helemu a kwí: Sofa nee Imna, nee Sheleshi, nee Amali.

³⁶ Daaqoó Sofa a kwí: Sua nee Harneferi, nee Shuali, nee Beri, nee Imra,

³⁷ nee Beseri, nee Hodu, nee Shama nee Shilsha, nee Itrani, nee Be'era.

³⁸ Daaqoó Yeteri a kwí: Yefune, nee Pispa, nee Ara.

³⁹ Daaqoó Ula a kwí: Ara, nee Hanieli, nee Risia.

⁴⁰ Mukwí an na/aá Asheri, múk urén oo gur'ér maraá baabi'ii'ín, múk taa tsawaár oo slaqwarár baál, nee geeraharuusér uren. Dinkwaaro a muu kume mibeeri tsár nee lahhoó'.