1 QOM'I 4 - Biblía Axweesantá Hhohho' ar Mungú 2004

Xwaylár Yuda

¹ Daaqoó Yuda a kwí: Peresi nee Hesroni, nee Karmi, nee Huri, nee Shobali.

² Shobali ina laqwaál Reaya, Reaya ina laqwaál Yahati, Yahati ina laqwaál Ahumai nee Lahadi. Kuká' an tlahhoó múk Sorati.

³ Daaqoó Etamu a kwí: Yesre'eli, nee Ishma nee Idbashi, hho'or'ín a Haselelponi.

⁴ Nee Penueli ina laqwaál Gedori, Eseri ina laqwaál Husha. Daaqaywí an oo Huri, barsuú Efrata, inooín an kudá' gixsár Betilehemu ga iimu/une'.

⁵ Ashuri baabuú Tekoa tlaawaay ngu kon a tsár, umer'ín a Hela nee Na'ara.

⁶ Na'ara ina laqwál Ahusamu nee Heferi nee Temeni, nee Ha'ahashtari.

⁷ Daaqoó Hela aa laqwál a kwí: Sereti nee Ishari, nee Etinani.

⁸ Kosi daaqaywós a Anubi nee Sobeba nee múk Aharheli, na/oó Harumu.

⁹ Yabesi a heé ilaiwa/amér koóm ta hhaeewose. Aayoorós umuuwós guri beér, Yabesi as nguwa laqwál ar slahh'amu.

¹⁰ Yabesi Munguú xoorór Israeli guri firín, iri oó', «Aníng na tsuuqáng, Munguú, nee yaamaá iintlaaxwá' aníng i haniisang. Kuúng masók a dinkwa nee aníng, nee muruú tlákw pa/asek dir'eene, kudá' slahh'amu ngu huúw.» Munguú tidá' inós aa firín gari haniís.

Múk guruú doó hatlá'

¹¹ Kelubu, hhiyoó Shuha ina laqwaál Mehiri, nee Mehiri ina laqwaál Eshtoni.

¹² Eshtoni ina laqwaál Bet-rafa, nee Pasea, nee Tehina. Tehina ina laqwaál Ir-nahashi. Mukwí an kudá' Rekár hoót.

¹³ Daaqoó Kenasi a kwí: Otnieli nee Seraya. Daaqoó Otnieli a kwí: Hatati nee Meonotai.

¹⁴ Meonotai ina laqwaál Ofra, nee Seraya ina laqwaál Yoabu. Yoabu an kudá' xatstá múk mura' tlehhtuuwo gu xuú' gaa iimu/un. Xatstí kana umuuwí tsaát asma múk baraadá' hoót a múk mura' tlehhtuuwo gu ló'wa xuú'.

¹⁵ Daaqoó Kalebu garmoó Yefune a kwí: Iru nee Ela nee Na'amu. Ela ina laqwaál Kenasi.

¹⁶ Daaqoó Yehaleli a kwí: Sifu, nee Sifa, nee Tiria, nee Asareli.

¹⁷ Daaqoó Esra a kwí: Yeteri nee Meredi, nee Eferi nee Yaloni. Meredi dasír Farao tidá' ta bay Bitia gana duúx, inós ina laqwál Miriamu nee Shamai, nee Ishba, kudá' gixsár Eshtemoa gaa iimu/un.

¹⁸ Harerós tidár hatlá' ar tlahhoó múk Yahudi ina laqwál Yeredi, kudá' gixsár Gedori gaa iimu/un, nee Heberi kudá' gixsár Soko gaa iimu/un, nee Yekutieli kudá' gixsár Sanoa gaa iimu/un.

¹⁹ Daaqoó harér Hodia, hho'ór Nahamu, aa laqwál, inooín an xoorór Garmi, an kudá' gixsár Keila ngaa iimu/une', nee awa xoorór Ma'akati kudá' gixsár Eshtemoa ngaa iimu/une'.

²⁰ Daaqoó Shimoni a kwí: Amnoni nee Rina, nee Ben-hanani, nee Tiloni. Nee daaqoó Ishi a kwí: Soheti nee Ben-soheti.

Xwaylár Shela

²¹ Daaqoó Shela garmoó Yuda a Eri, inós gixsár Leka gana iimu/ún, nee La'ada, inós gixsár Maresha gana iimu/ún, múk hatlá' tlahhay'ín a kudá' tlabaá kitaánír tlehhahhitá', inooín awa gixsár Bet-ashbea,

²² nee Yokimu nee múk Koseba, nee Yoashi nee Sarafi, kuká' an mukdá' Moabu ngaa sawaawuti'ine nee nari ki/iyé' Lehemu. (Kaangwí oo iimír aáng.)

²³ Mukwí an kuduú tleuuse nee yaamuloouusér yaamaá Netaimu nee Gedera, inooín waawutmooín nguna sagadiyusiyé'.

Xwaylár Simeon

²⁴ Daaqoó Simeon a kwí: Nemueli nee Yamini, nee Yaribu nee Sera nee Saulo.

²⁵ Garmoó Saulo a Shalumu, nee Shalumu ina laqwaál Mibsamu, Mibsamu ina laqwaál Mishma.

²⁶ Daaqoó Mishma a kwí: Hamueli, inós ina laqwaál Sakuri, nee inós ina laqwaál Shimei.

²⁷ Shimei daaqaay ngu kon a mibaá nee lahhoó', dasu a lahhoó', ala hhaeewós na/aá yaariir ngi kon'aaká, slám múk dooín ku ureeká adór múk doó Yuda wa alé.

²⁸ Inooín gixsadaá taa hoót a kuká': Be'er-sheba, nee Molada, nee Hasar-shuali,

²⁹ nee Bilha, nee Esemu, nee Toladi,

³⁰ nee Betueli, nee Horma, nee Siklagi,

³¹ nee Bet-makaboti, nee Hasar-susimu, nee Bet-biri, nee Sha'araimu. Gixsaduuká' an kudá' naa hootiyé' tam ay qoomár Daudi tawa waawutmo.

³² Sleeme tana hoót baraá gixsadaá hatlá' awa kooán, ar Etamu nee Aini, nee Rimoni, nee Tokeni, nee Ashani.

³³ Ayeemooín sleémeero gixsaduká' kooán ngina harweeriyé' ay Ba'ali. Diirí an ayeemodá' taa hoót, nee tlahhi'i kaa gooín.

³⁴ Mukwí a múk urén oo tlahhay'ín: Meshobabu nee Yamleki nee Yosha garmoó Amasia,

³⁵ nee Yoeli, nee Yehu, garmoó Yoshibia garmoó Seraya, garmoó Asieli,

³⁶ nee Elieonai, nee Ya'akoba, nee Yeshohaya, nee Asaya, nee Adieli, nee Yesimieli nee Benaya,

³⁷ nee Sisa garmoó Shifi, garmoó Aloni, garmoó Yedaya, garmoó Shimri, garmoó Shemaya.

³⁸ Mukwí umer'ín taa gooín an kudá' urén baraá maray'ine, tlahh'aá baabi'ii'ín nay ló'wa dooginé'.

³⁹ Inooín tana tsiyayaxaát ay amór yaamaá Gedori, bihhaá da/aawe qawór bee/angw'ín gina leelehhitiyé'.

⁴⁰ Inooín qawtaantá hho' ngay slayé', yaamu ki iintlaaxw, i amohhooár koná' nee wayduuwo, asma múk yaamuudá' aáng gaa hoot a múk Hamu.

⁴¹ Mukdá' taa ume gooín iwa dáh yaamuudá' i alé, waawutmoó Yuda a Hesekia. Inooín múk Meuni kuri qororo'oós ay laarí. Múk Simeon iri baraadá' i tleehhiít asma qawtantá hho' ar bee/aangw i deer.

⁴² Baraá tla/angw'ine múk tsiire kooán oo tlahhoó Simeon tay tláy ay tloomár Seiri, inooín kina geerahaár nee Pelatia nee Nearia, nee Refaya, nee Usieli, daaqoó Ishi.

⁴³ Inooín mukduú Amaleki aa /uy kuri tsuú/, inooín ta yaamuudá' hoot tam ay laarí.