1 QOM'I 25 - Biblía Axweesantá Hhohho' ar Mungú 2004

Daauusér doó Mungú

¹ Waawutmo Daudi nee geeraharuusér tlahhoó Laáwi, muu bahh'alé baraá xwaylár Asafu nee ar Hemaniwo nee ar Yedutuniwo kuna tsawaár, as gadiyér sluufmis nee tawa aaririn ar xooslaá daa'aangw adór gidaandoori nee mariímba nee mitingiraay. Múk taa tsawaár as gadiyeérí a kwí:

² Daaqoó Asafu a kwí: Sakuri nee Yosefu, nee Netania, nee Asharela. Inooín geeraharusmooín a Asafu, kudá' aa aariirin ar adoodá' waawutmo ngura geerahaár.

³ Daaqoó Yedutuni a kwí lahhoó': Gedalia nee Seri, nee Yeshaya, nee Shimei, nee Hashabia, nee Matitia, inooín kina geerahaár nee baabuúín nee nina aariiriné' ar gidaandoori, nee AAKOÓ MUNGÚ nguwa sluufmiisiya' nee nguwa xirfayemiisiya'.

⁴ Daaqoó Hemani a kwí: Bukia nee Matania, nee Usieli, nee Shebueli, nee Yerimoti, nee Hanania, nee Hanani, nee Eliata, nee Gidalti, nee Romamti-eseri, nee Yoshbekasha, nee Maloti, nee Hotiri, nee Mahasioti.

⁵ Kuká' sleémeero a daaqoó Hemani, iigu'utusmoó waawutmo. Mungú Hemani guna daaqoó mibaá nee tsiyáhhií haniís nee dasu tám, adoodá' aa dirós i al'axweés as nguwa xirfayeesi.

⁶ Inooín sleémeero kina geerahaár nee baabuúín, as iwa daaiya' Doó AAKOÓ MUNGÚ wa ale ar mitingiray, nee ar mariímba nee ar gidaandori as iwa Mungú sagadiyuusiya' baraá do'ós wa ale. Asafu nee Yedutuni nee Hemani nin gadiyuusiyá' ar hara'ayár waawutmo.

⁷ Inooín dinkwa nee hhaeeín, kudá' taa intsaahhatís AAKOÓ MUNGÚ nguwa i daaiya', kudá' sleémeero ado ngi baalá', a muu tsiire tsár mibeeri dakaát nee dakaát.

⁸ Tsawdo kari tleéhh ar tawa gadiyuusi ar baalaqaasi, tam heé niiná laqaá tam heé úr, intsaahhatusmo laqaá kudá' ta intsaahhatmiisi, sleémeero a wak.

⁹ Tsawdór geera Yosefu guna sleér, oo guruú doó Asafu, tsawdór tsár Gedalia guna sleér, nee hhaeewós nee daaqaywós sleémeero dinkwaaro a mibaá nee tsár.

¹⁰ Ar tám Sakuri guna sleér, nee daaqaywós nee hhaeewós sleémeero dinkwaaro a mibaá nee tsár,

¹¹ ar tsiyáhh heé aa sleér a Seri nee daaqaywós, nee hhaeewós sleémeero dinkwaaro a mibaá nee tsár.

¹² Ar kooán heé aa sleér a Netania nee daaqaywós, nee hhaeewós sleémeero a mibaá nee tsár.

¹³ Ar lahhoó' heé aa sleér a Bukia nee daaqaywós, nee hhaeewós sleémeero dinkwaaro a mibaá nee tsár.

¹⁴ Ar faanqw heé aa sleér a Asharela nee daqaywós, nee hhaeewós sleémeero dinkwaaro a mibaá nee tsár.

¹⁵ Ar dakaát heé aa sleér a Yeshaya nee daaqaywós, nee hhaeewós sleémeero dinkwaaro a mibaá nee tsár.

¹⁶ Ar gwaleél heé aa sleér a Matania nee daaqaywós, nee hhaeewós sleémeero dinkwaaro a mibaá nee tsár.

¹⁷ Ar mibaangw heé aa sleér a Shimei nee daaqaywós, nee hhaeewós sleémeero dinkwaaro a mibaá nee tsár.

¹⁸ Ar mibaá nee wak heé aa sleér a Asareli nee daaqaywós, nee hhaeewós sleémeero dinkwaaro a mibaá nee tsár.

¹⁹ Ar mibaá nee tsár heé aa sleér a Hashabia nee daaqaywós, nee hhaeewós sleémeero dinkwaaro a mibaá nee tsár.

²⁰ Ar mibaá nee tám heé aa sleér a Shubaeli nee daaqaywós, nee hhaeewós sleémeero dinkwaaro a mibaá nee tsár.

²¹ Ar mibaá nee tsiyáhh heé aa sleér a Matitia nee daaqaywós, nee hhaeewós sleémeero dinkwaaro a mibaá nee tsár.

²² Ar mibaá nee kooán heé aa sleér Yeremoti nee daaqaywós, nee hhaeewós sleémeero dinkwaaro a mibaá nee tsár.

²³ Ar mibaá nee lahhoó' heé aa sleér a Hanania nee daaqaywós, nee hhaeewós sleémeero dinkwaaro a mibaá nee tsár.

²⁴ Ar mibaá nee faanqw heé aa sleér a Yoshbekasha nee daaqaywós, nee hhaeewós sleémeero dinkwaaro a mibaá nee tsár.

²⁵ Ar mibaá nee dakaát heé aa sleér a Hanani nee daaqaywós, nee hhaeewós sleémeero dinkwaaro a mibaá nee tsár.

²⁶ Ar mibaá nee gwaleél heé aa sleér a Maloti nee daaqaywós, nee hhaeewós sleémeero dinkwaaro a mibaá nee tsár.

²⁷ Ar mibeeri tsár heé aa sleér a Eliata nee daaqaywós, nee hhaeewós sleémeero dinkwaaro a mibaá nee tsár.

²⁸ Ar mibeeri tsár nee wak heé aa sleér a Hotiri nee daaqaywós, nee hhaeewós sleémeero dinkwaaro a mibaá nee tsár.

²⁹ Ar mibeeri tsár nee tsár heé aa sleér a Gidalti nee daaqaywós, nee hhaeewós sleémeero dinkwaaro a mibaá nee tsár.

³⁰ Ar mibeeri tsár nee tám heé aa sleér a Mahasioti nee daaqaywós, nee hhaeewós sleémeero dinkwaaro a mibaá nee tsár.

³¹ Ar mibeeri tsár nee tsiyáhh heé aa sleér a Romamti-eseri nee daaqaywós, nee hhaeewós sleémeero dinkwaaro a mibaá nee tsár.