1 QOM'I 24 - Biblía Axweesantá Hhohho' ar Mungú 2004

Gadiyér kaahamuusér Mungú

¹ Adoorí an adór daqoroó tlahhoó Aroni tira haár. Aroni daaqaywós a kwí: Nadabu nee Abihu, nee Eleasari, nee Itamari.

² Ala Nadabu nee Abihu nina qatliyé' geeraá baabuúín iwa gwaaiiká, nee na/aá naa geexayé' i kahhiyá', gawaá adoorihe Eleasari nee Itamari kay kaahamuusér Mungú wa qaás.

³ Daudi xwaylár Aroni gana qoomeés baraá daqooráy ar adoodár gadiyér'ín kas hariím. Daudi kuna alee/iís nee Sadoki garmoó Eleasari nee Ahimeleki garmoó Itamari.

⁴ As geeraharuusér yaariir ar hhawaate kawa sláy baraá xwaylár Eleasariwo, xwaylár Eleasari ka ló'wa ur, kana qasiís baraá geeraharuuse mibaá nee lahhoó', nee xwaylár Itamari kana qasiís baraá geeraharuuse dakaát.

⁵ Baraaine muu bahh'alé an geeraharuusér didá' hhoohhoo', nee kookariya' an geeraharuusér muruú Mungú, baraá guruú doó Eleasariwo nee baraá guruú doó Itamariwo. Gawaá adoorihe inooín kina paraátl ar loohír tsawdo.

⁶ Goousmo Shemaya garmoó Netaneli oo tlahhoó Laáwi inooín gina dír geeraá waawutmo Daudi wa gooín, nee dír geeraá geeraharuuseerose, nee awa kaahamusmo Sadoki nee awa Ahimeleki garmoó Abiatari, nee geeraharuusér maraá kaahamuuse nee tlahhoó múk Laáwi. Doó Eleasari tsawdór geera guna sleér, nee doó Itamari tsawdór tsár guna sleér.

⁷ Tsawdór geera heé aa sleér a Yehoiaribu, tsawdór tsare heé taa sláy a Yedaya.

⁸ Tsawdór tám heé aa sleér a Harimu nee tsawdór tsiyáhh heé aa sleér a Seorimu.

⁹ Ar kooán a Malkia. Ar lahhoó' a Miyamini.

¹⁰ Ar faanqw a Hakosi, ar dakaát a Abiya.

¹¹ Ar gwaleél a Yeshua, ar mibaangw a Shekania.

¹² Ar mibaá nee wak a Eliashibu, ar mibaá nee tsár a Yakimu.

¹³ Ar mibaá nee tám a Hupa, ar mibaá nee tsiyáhh a Yeshebeabu.

¹⁴ Ar mibaá nee kooán a Bilga, ar mibaá nee lahhoó' a Imeri.

¹⁵ Ar mibaá nee faanqw a Hesiri, ar mibaá nee dakaát a Hapisesi.

¹⁶ Ar mibaá nee gwaleél Petahia, ar mibeeri tsár a Yeheskeli.

¹⁷ Ar mibeeri tsár nee wak a Yakini, ar mibeeri tsár nee tsár a Gamuli.

¹⁸ Ar mibeeri tsár nee tám a Delaya, ar mibeeri tsár nee tsiyáhh a Ma'asia.

¹⁹ Mukwí kuna gooín ar adoodá' gadiyér'ín i diri', niwa daraahiya' baraá doó AAKOÓ MUNGÚ, as niwa baraadá' wa gadiyuusiya' ar adoodá' aakooín Aroni ngira qoomeés, ar adoodá' AAKOÓ MUNGÚ, Munguú Israeli, ngira dirós i oó'.

Faarór múk tlahhoó Laáwi

²⁰ Mukwí an múk tlahhoó Laáwi kudá' aa meet, garmoó wák baraá daaqoó Amramuwo a Shubaeli, garmoó Shubaeli a Yedeya.

²¹ Doó Rehabiawo heé úr a Ishia.

²² Doó Ishiawo a Shelomoti, doó Shelomotiwo a Yahati.

²³ Daaqoó Hebroniwo Yeria a heé taa uráy haniís, oo tsár a Amaria, oo tám a Yahasieli nee oo tsiyáhh a Yekameamu.

²⁴ Daaqoó Usieli a Mika, doó Mikawo a Shamire.

²⁵ Hhiyoó Mika a Ishia, doó Ishiawo a Sekaria.

²⁶ Daaqoó Merari a kwí: Mahli, nee Mushi nee Ya'asia.

²⁷ Daaqoó Ya'asiuú Merari a Deno nee Shohamu nee Sakuri nee Ibri.

²⁸ Doó Mahliwo heé aa laqwaaliiká a Eleasari.

²⁹ Doó Kishiwo na/oó garma a wak, ku bay Yerame'eli.

³⁰ Nee daaqoó Mushi a Mahli nee Ederi nee Yerimoti. Kuká' an daaqoó Laáwi adoodá' tlahh'aá baabi'ii'ín i dirii'iya'.

³¹ Kuká' sleeme kina tsawdoórí tleéhh ar adoodá' tsawdór hhaeeín awa daaqoó Aroni kara tleéhh, dír geeraá waawutmo Daudi wa ale nee Sadoki, nee Ahimeleki nee dír geeraharuusér tlahh'aá kaahamuusér Mungú, nee ar tlahhoó Laáwi.