1 QOM'I 2 - Biblía Axweesantá Hhohho' ar Mungú 2004

Xwaylár Yuda

¹ Daaqoó Israeli a kwí: Reubeni, nee Simeon, nee Laáwi, nee Yuda, nee Isakari, nee Sebuluni,

² nee Dani, nee Yosefu nee Benyamini, nee Naftali nee Gadi nee Asheri.

³ Daaqoó Yuda kudá' Bat-shua, tidár xoorór Ka'ani aa laqwál a kwí tám: Eri, nee Onani nee Shela. Eri garmoó baris oo Yuda a tlakusmo dír ilaá AAKOÓ MUNGUHE. Inós kway gaás nee AAKOÓ MUNGÚ.

⁴ Tamari harér garmoó Yuda daaqoó tsár aa laqwál a kwí: Peresi nee Sera. Daaqoó Yuda dinkwaaro a kooán.

⁵ Daaqoó Peresi a kwí tsár: Herson, nee Hamuli.

⁶ Daaqoó Sera a kwí kooán: Simri nee Eteni, nee Hemani, nee Kalkoli nee Darda.

⁷ Garmoó Karmi a Akari, kudá' múk Israeli gwaa baraá slahh'amií dahaas asma muruudá' taa marandó wa sláy taa paraátl as Mungú guna qawti ar waátl amór do'ós.

⁸ Garmoó Etani a Asariya.

Guruú doó waawutmo Daudi

⁹ Daaqoó Hesroni a kwí: Yerame'eli nee Ramu, nee Kelubai.

¹⁰ Ramu ina laqwaál Aminadabu, Aminadabu ina laqwaál Nashoni, Nashoniwí a heé úr oo tlahhoó Yuda.

¹¹ Nashoni ina laqwaál Salma, nee Salma ina laqwaál Boasi.

¹² Boasi ina laqwaál Obedi, nee Obedi ina laqwaál Yese.

¹³ Yese garmaawós oo baris a Eliabu, oo tsár a Abinadabu, oo tám a Shimea.

¹⁴ Oo tsiyáhh a Netaneli, oo kooán a Radai.

¹⁵ Oo lahhoó' a Osemu, nee oo faanqw a Daudi.

¹⁶ Hhaeeín awa dasu a Seruya nee Abigaili. Daaqoó Seruya a kwí tám: Abishai nee Yoabu, nee Asaheli.

¹⁷ Abigaili ina laqwál Amasa, baabuú Amasa a Yeteri, oo xoorór Ishmaeli.

Xwaylár guruú doó Hesroni

¹⁸ Kalebu garmoó Hesroni tlaawaay ngu kon a tsár, a Asuba, nee Yerioti, daaqoó taa laqwaál a kwí: Yesheri, nee Shobabu, nee Ardoni.

¹⁹ Alaá Asuba iwa gwá' Kalebu Efrata gari duúx, inós ina laqwál Huri,

²⁰ Huri ina laqwaál Uri, nee Uri ina laqwaál Besaleli.

²¹ Hesroni kureeraá mibeeri lahhoó' ngiwa áy dasír Makiri hho'ór Gileadi gari duúx, inósadá' iri laqwál Segubu.

²² Segubu ina laqwaál Yairi, inós an kudá' gixsadaá mibeeri tsár nee tám gaa sawaawuti'in baraá yaamaá Gileadiro.

²³ Ala Geshuri nee Aramu yaamaá Hawot-yairi nee Kenati ngina i haratlayé' nee ayeemooine, dinkwaaro a gixsadu mibeeri lahhoó'. Yaamuudá' taa hayóh sleémeero múk gi hoót a xwaylár Makiri, baabuú Gileadi.

²⁴ Alaá Hesroni iwa gwaá', Kalebu Efrata kwaalo'ór baabuúwós Hesroni gari duúx, inós ina laqwál Ashhuri, inós an kudá' gixsár Tekoa gaa iimu/un.

Xwaylár guruú doó Yerame'eli

²⁵ Yerame'eli garmoó baris oo Hesroni daaqaywós a kwí: Barsuuwós a Ramu nee oo aluudá' aa Buna, nee Oreni, nee Osemu, nee Ahiya.

²⁶ Yerame'eli harér hatlá' ga kón, umuuwós ku bay Atara. Inós ina laqwál Onamu.

²⁷ Garmoó baris oo Yerame'eli kudá' ta bay Ramu, daaqaywós a kwí: Ma'asi, nee Yamini, nee Ekeri.

²⁸ Onamu daaqaywós a kwí: Shamai, nee Yada. Daaqoó Sham ai a Nadabu, nee Abishuri.

²⁹ Harér Abishuri ka bay Abihaili, inós daaqoó aa laqwál dír Abishuri a kwí: Abani nee Molidi.

³⁰ Daaqoó Nadabu a kwí: Seledi nee Apaimu. Ala Seledi ina gwaá', na/oó i kon i kaahh.

³¹ Garmoó Apaimu a kwí: Ishi, Ishi ina laqwaál Sheshani, Sheshani ina laqwaál Alai.

³² Daaqoó Yada hhiyoó Shamai a kwí: Yeteri nee Yonatan. Ala Yeteri ina gwaá', na/oó i kon i kaahh.

³³ Daaqoó Yonatan aa Peleti nee Sasa. Kuká' a xwaylár Yerame'eli.

³⁴ Sheshani na/aá aa laqwaál a dasu kilooín, ala inós lawaalmoó xoorór Misri gun kón umuuwós a Yarha. Sheshani dasiirós gari haniís dír Yarha kuduú lawaalmoowós ngiwa duuxi.

³⁵ Na/aay kway laqwaál umuuwós a Atai.

³⁶ Atai ina laqwaál Natani, nee Natani ina laqwaál Sabadi.

³⁷ Sabadi ina laqwaál Eflali, Eflali ina laqwaál Obedi.

³⁸ Obedi ina laqwaál Yehu, nee Yehu ina laqwaál Asariya.

³⁹ Asariya ina laqwaál Helesi nee Helesi ina laqwaál Eleasa.

⁴⁰ Eleasa ina laqwaál Sismai, nee Sismai ina laqwaál Shalumu.

⁴¹ Shalumu ina laqwaál Yekamia, Yekamia ina laqwaál Elishama.

Xwaylár hatlá' ar Kalebu

⁴² Daaqoó Kalebu hhiyoó Yerame'eli a kwí: Barsuuwós a Mesha, Mesha ina laqwaál Sifu, Sifu ina laqwaál Maresha, nee Maresha ina laqwaál Hebroni.

⁴³ Daaqoó Hebroni a kwí: Kora nee Tapua, nee Rekemu, nee Shema.

⁴⁴ Shema ina laqwaál Rahamu, nee a aako dír Yorkeamuwo, nee Rekemu ina laqwaál Shamai.

⁴⁵ Shamai ina laqwaál Maoni, nee Maoni ina laqwaál Betsuri.

⁴⁶ Efa harér quturmo wasl ar Kalebu daaqoó aa laqwál a kwí: Harani, nee Mosa nee Gasesi. Harani ina laqwaál Gasesi.

⁴⁷ Daaqoó Yadai a kwí: Regemu, nee Yotam nee Geshani, nee Peleti, nee Efa, nee Sha'afu.

⁴⁸ Ma'aka harér quturmo wasl ar Kalebu daaqoó aa laqwál a kwí: Sheberi nee Tirhana.

⁴⁹ Slamí Sha'afu a kudá' gixsár Madmana gaa iimu/un, nee Shefa a kudá' gixsár Makbena nee Gibea gaa iimu/un, nee Kalebu dasír ta bay Aksa ga kón sleeme.

⁵⁰ Kalebu daaqoó hatlá' gu kón, kudá' harerós Efrata aa laqwál oo baris ku bay Huri. Huri daaqaay ngu kon tám, a Shobali kudá' gixsár Kiriat-yearimu gaa iimu/un,

⁵¹ nee Salma gixsár Betilehemu gana iimu/ún, nee Harefu gixsár Bet-gaderi gana iimu/ún.

⁵² Shobali kudá' Kiriat-yearimu gaa iimu/un, inós sleeme daaqoó hatlá' gu kón, Haroe nee tlaqtá mukduú Menuhoti,

⁵³ nee tlahh'aá baraá Kiriat-yearimu. Inooín a kuká': Tlahhoó Itri, nee oo Puti nee oo Shumati nee Mishrai. Tlahhoó Sorati nee oo Eshtoli dír naa dahhiyé' a baraá tlahh'iiká'.

⁵⁴ Daaqoó Salma kudá' gixsár Betilehemu gaa iimu/un a múk Netofati, nee oo Atrot-bet-yoabu nee tlaqtá múk Manahati nee oo Sori.

⁵⁵ Tlahh'aá goouuse kudá' baraá yaamaá Yabesír hootá', a kuká': Múk Tirati, nee oo Shimeati nee múk Sukati. Mukwí oo Keni oo xwaylár Hamati, inós an aakoó tlahhoó Rekabu.