Псаломтӕ 92 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Дунедарӕг у Паддзах! Кад — Йӕ фӕлыст, хъомыс — Йӕ рон, Уымӕн лӕууы дун-дуне фидар. Нӕ фенкъуысдзӕн.

² Незамантӕй Дӕ паддзахы бадӕн — ӕнӕфенкъуысгӕ, Дӕхӕдӕг та — паддзах ӕнустӕм!

³ О Дунедарӕг, дӕтты уынӕр хъуысы, абухынц дӕттӕ, ӕмбухынц ӕрвнӕрдау.

⁴ Абухгӕ дӕтты уынӕрӕй, денджызы знӕт уылӕнтӕй тыхджындӕр у Дунедарӕг уӕлӕрвты!

⁵ Дӕ уынаффӕтӕ сты ныфсы хос, Дӕ хӕдзар ӕнустӕм уаз рухсӕй фӕлыст у!