Псаломтӕ 22 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Давиды псалом. Дунедарӕг — мӕ Фыййау, ӕз ницы цух уыдзынӕн:

² Хизы мӕ сойджын сӕрвӕтты, хоны мӕ сабыр цӕугӕдӕттӕм.

³ Фӕфидар мын кӕны мӕ уд, раст фӕндагыл мӕ аразы Йӕ номы сӕраппонд.

⁴ Мӕлӕты талынг дӕлвӕзы куы цӕуон, уӕд дӕр нӕ фӕтӕрсдзынӕн фыдбылызӕй, уымӕн ӕмӕ Ды мемӕ дӕ; Дӕ фыййаулӕдзӕг мӕ басабыр кӕны.

⁵ Ме знӕгтӕн сӕ цӕстыты раз мын фынг ӕрӕвӕрдтай, мӕ сӕр мын оливӕйы сойӕ байсӕрстай: мӕ кӕхц кӕлы йӕ былтӕй.

⁶ Цалынмӕ удӕгас дӕн, уӕдмӕ Дӕ фарн ӕмӕ Дӕ хорзӕх мемӕ уӕнт, ӕмӕ уӕд бирӕ бонтӕ арвитдзынӕн Дунедарӕджы хӕдзары.