Псаломтӕ 150 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Алелуйа! Стаут Дунедарӕджы Йӕ Кувӕндоны, стаут Ӕй уӕлӕрвты.

² Стаут Ӕй Йӕ хъомысджын хъуыддӕгты тыххӕй, стаут Ӕй Йе стырады тыххӕй.

³ Стаут Ӕй сыкъауадындзы зӕлтӕй, стаут Ӕй дыууадӕстӕнонтыл ӕмӕ хъисфӕндыртыл.

⁴ Стаут Ӕй далаимӕ кафтӕй, стаут Ӕй хъисфӕндыртӕ ӕмӕ уадындзты цагъдӕй.

⁵ Стаут Ӕй ӕмдзӕгъдгӕнӕнты зӕлтӕй, стаут Ӕй ӕмдзӕгъдгӕнӕнты зӕллангӕй.

⁶ Алы цӕрӕг уд дӕр Дунедарӕджы стауӕд! Алелуйа!