Псаломтӕ 14 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ О Дунедарӕг! Кӕмӕн у йӕ бон Дӕ Цатыры, Дӕ уаз хохыл цӕрын?

² Сыгъдӕгзӕрдӕйӕ чи цӕры, йӕ хъуыддӕгтӕ раст кӕмӕн сты, рӕстдзинад кӕй зӕрдӕйӕ рацӕуы;

³ хахуыртӕ чи нӕ мысы, йӕ хӕларӕн фыдбылыз чи нӕ аразы, йӕ хионы чи нӕ фауы;

⁴ хъодыгонд ӕлгъаг кӕмӕн у, фӕлӕ Дунедарӕгӕй чи тӕрсы, уыдонӕн кад чи кӕны; кӕд йӕхицӕн исты зиан ӕрхӕсдзӕн, уӕддӕр йӕ сомы чи нӕ сайы;

⁵ йе ’взист пайдайыл ӕфстау чи нӕ дӕтты, ӕнаххосы ныхмӕ гӕртамы фӕрцы чи нӕ рацӕуы. Афтӕ чи кӕны, уый никуы фӕцуддзӕн.