Псаломтӕ 128 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уӕлвонг Кувӕндонмӕ цӕуджыты зарӕг. Ме ’взонджы бонтӕй мӕ бирӕтӕ ссӕстой, — зӕгъӕд Израил, —

² ме ме ’взонджы бонтӕй мӕ бирӕтӕ ссӕстой, фӕлӕ мыл нӕ фӕтых сты.

³ Ме рагъыл мын хуым кодтой хуымгӕнджытӕ, ауагътой-иу ыл даргъ ауӕдзтӕ.

⁴ Фӕлӕ Дунедарӕг рӕстаг у: ӕнӕхуыцӕутты хъадамантӕ ныссаста.

⁵ Сионы хох ӕнӕуынон кӕмӕн у, уыдон фидиссаг фӕуӕнт ӕмӕ сӕ фӕд-фӕд фӕстӕмӕ аздӕхӕнт!

⁶ Уӕлхӕдзӕрттыл цы кӕрдӕг фӕзыны, уый хуызӕн суӕнт: нӕма сырӕзы, афтӕмӕй бахус вӕййы.

⁷ Тыллӕгӕфснайӕг дзы йӕ къух нӕ байдзаг кӕндзӕн, куырисбӕттӕг — йӕ арм.

⁸ Сӕ цурты-иу чи рацӕйцӕуа, уыдон сын нӕ зӕгъдзысты: «Дунедарӕг уын раарфӕ кӕнӕд! Мах дӕр уын арфӕ кӕнӕм Йӕ номӕй!»