Псаломтӕ 121 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уӕлвонг Кувӕндонмӕ цӕуджыты зарӕг. Сарӕзта йӕ Давид. Дунедарӕджы хӕдзармӕ цомут, зӕгъгӕ, куы фехъуыстон, уӕд ныццин кодтон.

² Мӕнӕ бавӕрдтам нӕ къах дӕ кулдуарӕй, Йерусалим!

³ Йерусалим — адӕмы иумӕ ӕмбырдгӕнӕг сахар,

⁴ Израилы хӕдзарвӕндӕгтӕ Израилы ӕгъдаумӕ гӕсгӕ Дунедарӕджы ном стауынмӕ кӕдӕм ссӕуынц.

⁵ Уым — тӕрхоны бадӕнтӕ, Давиды хӕдзары паддзахы бадӕнтӕ.

⁶ Кувут Йерусалимы фарнӕн: «Чи дӕ уарзы, уыдон ӕвыдӕй цӕрӕнт!

⁷ Фарн уӕд дӕ систы ӕхсӕн, ӕнӕфыдбылыз уӕнт дӕ галуантӕ!»

⁸ Ме ’фсымӕрты, мӕ хиуӕтты сӕрвӕлтау дын зӕгъын: «Фарн дӕм уӕд!»

⁹ Дунедарӕджы, нӕ Хуыцауы, хӕдзары сӕраппонд дын зӕгъын: «Хорзӕй цӕр!»