Псаломтӕ 120 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Уӕлвонг Кувӕндонмӕ цӕуджыты зарӕг. Мӕ цӕстӕнгас сарӕзтон хӕхтӕм: кӕцӕй мӕм ӕрцӕудзӕн ӕххуыс?

² Баххуыс мын кӕндзӕни Дунедарӕг — арв ӕмӕ зӕхх сфӕлдисӕг.

³ Дӕ къах дын Уый нӕ бауадздзӕни фӕцудын, дӕ хъахъхъӕнӕг рӕдзӕ-мӕдзӕ нӕ кӕны.

⁴ Рӕхцгӕ ӕмӕ фынӕй нӕ кӕны Израилы хъахъхъӕнӕг.

⁵ Дӕуыл ауды Дунедарӕг, Йӕ дӕлбазыр дӕ бакӕндзӕн, Уый лӕууы дӕ рахизфарс.

⁶ Боныгон дӕ хур нӕ ныццӕвдзӕн, ӕхсӕвыгон дӕ мӕй нӕ бахъыгдардзӕн.

⁷ Дунедарӕг дӕ бахиздзӕн алы фыдбылызӕй, бахиздзӕн дын дӕ уд.

⁸ Дунедарӕг дын хъахъхъӕндзӕн дӕ ацыд ӕмӕ де ’рбацыд ныр дӕр ӕмӕ мыггагмӕ дӕр.