Псаломтӕ 115 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Мӕ уырнындзинад фидар уыд, ӕмӕ ӕз уымӕ гӕсгӕ дзырдтон: «Бастадтӕн бынтондӕр».

² Мӕ фыр тыхстӕй загътон: «Иу адӕймагыл дӕр ӕууӕнк нӕй».

³ Дунедарӕджы хӕрзтӕ цӕмӕй бафиддзынӕн ӕз?

⁴ Ирвӕзындзинады кӕхц райсдзынӕн ӕмӕ Дунедарӕджы ном ссардзынӕн.

⁵ Йӕ разы цӕмӕйдӕриддӕр басомы кодтон — иууылдӕр сӕ сӕххӕст кӕндзынӕн Йе ’ппӕт адӕмы раз.

⁶ Дунедарӕджы цӕсты зынаргъ у Йӕ сыгъдӕджыты мӕлӕт.

⁷ О Дунедарӕг, ӕз Дӕ цагъар дӕн, Дӕ цагъар, Дӕ цагъар сылгоймаджы хъӕбул; Ды мӕ суӕгъд кодтай мӕ рӕхыстӕй.

⁸ Бузныджы нывонд Дын ӕрхӕсдзынӕн ӕмӕ Дунедарӕджы ном ссардзынӕн.

⁹ Йӕ разы цӕмӕйдӕриддӕр басомы кодтон — иууылдӕр сӕ сӕххӕст кӕндзынӕн Йе ’ппӕт адӕмы раз,

¹⁰ Дунедарӕджы Аргъуаны кӕрты, дӕ астӕу, Йерусалим! Алелуйа!