Псаломтӕ 112 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Алелуйа! Ӕппӕлут Дунедарӕгӕй, Йӕ цагъартӕ, Дунедарӕджы номӕй ӕппӕлут.

² Арфӕгонд уӕд Дунедарӕджы ном ныр дӕр ӕмӕ мыггагмӕ дӕр!

³ Дунедарӕджы ном кадджын уӕд скӕсӕнӕй ныгуылӕнмӕ!

⁴ Бӕрзонд у Дунедарӕг ӕппӕт адӕмты сӕрмӕ, арвӕй уӕлдӕр — Йӕ кад.

⁵ Дунедарӕгӕн, нӕ Хуыцауӕн, ӕмбал кӕм ис? Йӕ паддзахы бадӕн бӕрзонд у,

⁶ фӕлӕ ӕркӕсы, арв ӕмӕ зӕххыл цытӕ цӕуы, уымӕ.

⁷ Уый зӕххы рыгӕй сисы мӕгуыры, фӕныкӕй сисы гӕвзыччы,

⁸ цӕмӕй йӕ ӕрбадын кӕна ӕлдӕрттимӕ, йӕ адӕмы уӕздӕттимӕ;

⁹ ӕнӕзӕнӕг сылгоймагӕн хъӕбулы амонд ратты. Алелуйа!