Нымӕцтӕ 7 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

¹ Моисей Уаз Цӕрӕн куы сӕвӕрдта, уӕд ӕй байсӕрста ӕмӕ срухс кодта йе ’ппӕт мигӕнӕнтимӕ, стӕй нывондхӕссӕн ӕмӕ нывондхӕссӕны ӕппӕт мигӕнӕнтӕ дӕр. Иууылдӕр сӕ байсӕрста ӕмӕ сӕ срухс кодта.

² Уый фӕстӕ израилӕгты фӕтӕгтӕ, сфыст кӕй бӕрны уыд, хӕдзарвӕндӕгты уыцы хистӕртӕ ӕрбацыдысты

³ ӕмӕ Дунедарӕджы размӕ сӕмбӕлын кодтой сӕ хуын: ӕхсӕз ӕмбӕрзт уӕрдоны ӕмӕ дыууадӕс стуры; иу уӕрдон алы дыууӕ фӕтӕгӕй ӕмӕ фӕйнӕ галы алы фӕтӕгӕй дӕр. Галтӕ ӕмӕ уӕрдӕттӕ Уаз Цӕрӕны размӕ ӕрбацыдысты.

⁴ Дунедарӕг Моисейӕн загъта:

⁵ «Райс сӕ Фембӕлды Цатыры куыстытӕн ӕмӕ сӕ левитты ’хсӕн адих кӕн, кӕй дзы цы хъӕуы йӕ куысты, уымӕ гӕсгӕ».

⁶ Моисей уӕрдӕттӕ ӕмӕ галты левиттӕн байуӕрста.

⁷ Дыууӕ уӕрдоны ӕмӕ цыппар галы Гершоны байзӕддӕгтӕн радта сӕ куысты ӕууӕлтӕм гӕсгӕ,

⁸ цыппар уӕрдоны ӕмӕ аст галы та — Мерарийы байзӕддӕгтӕн, цӕмӕй сауджын Аароны фырт Итамары разамындӕй кусой.

⁹ Кехаты байзӕддӕгтӕн та ницы радта, уымӕн ӕмӕ уыдонӕн сӕ лӕггад уаз дзауматимӕ баст уыди — сӕ уӕхсчытыл сӕ хъуамӕ хастаиккой.

¹⁰ Нывондхӕссӕн срухс кӕныны кадӕн йӕ байсӕрдыны бон фӕтӕгтӕ нывӕндтӕ ӕрхастой. Сӕ хуынтимӕ нывондхӕссӕны раз ӕрлӕууыдысты,

¹¹ ӕмӕ Дунедарӕг Моисейӕн загъта: «Фӕтӕгтӕ радыгай, алчи йӕ боны, хӕссӕнт сӕ хуынтӕ нывондхӕссӕн срухс кӕныны кадӕн».

¹² Фыццаг бон йӕ хуынимӕ ӕрбалӕууыди Нахшон, Аминадавы фырт, Иудӕйы мыггагӕй.

¹³ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ; дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

¹⁴ дӕс шекелы уӕзӕн сыгъзӕрин куыси, будӕй йемыдзаг;

¹⁵ гал, фыр ӕмӕ фыргуист — иууылсудзинаг нывондӕн;

¹⁶ цӕу — тӕригъӕды нывондӕн;

¹⁷ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Нахшоны, Аминадавы фырты, хуын.

¹⁸ Дыккаг бон йӕ хуын сӕмбӕлын кодта Нетанел, Цуары фырт, Иссахары мыггаджы фӕтӕг.

¹⁹ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

²⁰ дӕс шекелы уӕзӕн сыгъзӕрин куыси, будӕй йемыдзаг;

²¹ гал, фыр ӕмӕ фыргуист — иууылсудзинаг нывондӕн;

²² цӕу — тӕригъӕды нывондӕн;

²³ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Нетанелы, Цуары фырты, хуын.

²⁴ Ӕртыккаг бон йӕ хуын сӕмбӕлын кодта Зевулоны байзӕддӕгты фӕтӕг Елиав, Хелоны фырт.

²⁵ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

²⁶ дӕс шекелы уӕзӕн сыгъзӕрин куыси, будӕй йемыдзаг;

²⁷ гал, фыр, фыргуист — иууылсудзинаг нывондӕн;

²⁸ цӕу — тӕригъӕды нывондӕн;

²⁹ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Елиавы, Хелоны фырты, хуын.

³⁰ Цыппӕрӕм бон йӕ хуын сӕмбӕлын кодта Рувимы байзӕддӕгты фӕтӕг Елицур, Шедеуры фырт.

³¹ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

³² дӕс шекелы уӕзӕн сыгъзӕрин куыси, будӕй йемыдзаг;

³³ гал, фыр, фыргуист — иууылсудзинаг нывондӕн;

³⁴ цӕу — тӕригъӕды нывондӕн;

³⁵ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Елицуры, Шедеуры фырты, хуын.

³⁶ Фӕндзӕм бон йӕ хуын сӕмбӕлын кодта Симеоны байзӕддӕгты фӕтӕг Шелумиел, Цуришаддайы фырт.

³⁷ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

³⁸ дӕс шекелы уӕзӕн сыгъзӕрин куыси, будӕй йемыдзаг;

³⁹ гал, фыр, фыргуист — иууылсудзинаг нывондӕн;

⁴⁰ цӕу — тӕригъӕды нывондӕн;

⁴¹ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Шелумиелы, Цуришаддайы фырты, хуын.

⁴² Ӕхсӕзӕм бон йӕ хуын сӕмбӕлын кодта Гады байзӕддӕгты фӕтӕг Елйасаф, Деуелы фырт.

⁴³ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁴⁴ дӕс шекелы уӕзӕн сыгъзӕрин куыси, будӕй йемыдзаг;

⁴⁵ гал, фыр, фыргуист — иууылсудзинаг нывондӕн;

⁴⁶ цӕу — тӕригъӕды нывондӕн;

⁴⁷ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Елйасафы, Деуелы фырты, хуын.

⁴⁸ Ӕвдӕм бон йӕ хуын сӕмбӕлын кодта Ефремы байзӕддӕгты фӕтӕг Елишама, Аммиуды фырт.

⁴⁹ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁵⁰ дӕс шекелы уӕзӕн сыгъзӕрин куыси, будӕй йемыдзаг;

⁵¹ гал, фыр, фыргуист — иууылсудзинаг нывондӕн;

⁵² цӕу — тӕригъӕды нывондӕн;

⁵³ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Елишамайы, Аммиуды фырты, хуын.

⁵⁴ Ӕстӕм бон йӕ хуын сӕмбӕлын кодта Менассиайы байзӕддӕгты фӕтӕг Гамлиел, Педацуры фырт.

⁵⁵ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁵⁶ дӕс шекелы уӕзӕн сыгъзӕрин куыси, будӕй йемыдзаг;

⁵⁷ гал, фыр, фыргуист — иууылсудзинаг нывондӕн;

⁵⁸ цӕу — тӕригъӕды нывондӕн;

⁵⁹ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Гамлиелы, Педацуры фырты, хуын.

⁶⁰ Фарӕстӕм бон йӕ хуын сӕмбӕлын кодта Бениамины байзӕддӕгты фӕтӕг Авидан, Гидеонийы фырт.

⁶¹ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁶² дӕс шекелы уӕзӕн сыгъзӕрин куыси, будӕй йемыдзаг;

⁶³ гал, фыр, фыргуист — иууылсудзинаг нывондӕн;

⁶⁴ цӕу — тӕригъӕды нывондӕн;

⁶⁵ дыууӕ стуры, фондз фыры, фондз цӕуы, фондз фыргуисты — фидыды нывондӕн; уый — Авиданы, Гидеонийы фырты, хуын.

⁶⁶ Дӕсӕм бон йӕ хуын сӕмбӕлын кодта Даны байзӕддӕгты фӕтӕг Ахиезер, Амишаддайы фырт.

⁶⁷ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁶⁸ дӕс шекелы уӕзӕн сыгъзӕрин куыси, будӕй йемыдзаг;

⁶⁹ гал, фыр, фыргуист — иууылсудзинаг нывондӕн;

⁷⁰ цӕу — тӕригъӕды нывондӕн;

⁷¹ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Ахиезеры, Амишаддайы фырты, хуын.

⁷² Иуӕндӕсӕм бон йӕ хуын сӕмбӕлын кодта Асиры байзӕддӕгты фӕтӕг Пагиел, Охраны фырт.

⁷³ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁷⁴ дӕс шекелы уӕзӕн сыгъзӕрин куыси, будӕй йемыдзаг;

⁷⁵ гал, фыр, фыргуист — иууылсудзинаг нывондӕн;

⁷⁶ цӕу — тӕригъӕды нывондӕн;

⁷⁷ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Пагиелы, Охраны фырты, хуын.

⁷⁸ Дыууадӕсӕм бон йӕ хуын сӕмбӕлын кодта Неффалимы байзӕддӕгты фӕтӕг Ахира, Енаны фырт.

⁷⁹ Йӕ хуын: дӕс ӕмӕ ӕхсӕзыссӕдз шекелы уӕзӕн ӕвзист тӕбӕгъ ӕмӕ дӕс ӕмӕ ӕртиссӕдз шекелы уӕзӕн ӕвзист хъалац, кувӕндоны шекелтӕй баргӕйӕ, дыууӕ дӕр — сойхӕццӕ мӕнӕуы ссадӕй семыдзаг, хойраджы хуынӕн;

⁸⁰ дӕс шекелы уӕзӕн сыгъзӕрин куыси, будӕй йемыдзаг;

⁸¹ гал, фыр, фыргуист — иууылсудзинаг нывондӕн;

⁸² цӕу — тӕригъӕды нывондӕн;

⁸³ дыууӕ галы, фондз фыры, фондз цӕуы, фондз фыргуисты — фидыды нывондӕн; уый — Ахирайы, Енаны фырты, хуын.

⁸⁴ Мӕнӕ, нывондхӕссӕн срухс кӕныны кадӕн Израилы фӕтӕгтӕ йӕ байсӕрдыны бон цы лӕвӕрттӕ ӕрбахастой, уыдон: дыууадӕс ӕвзист тӕбӕгъы, дыууадӕс ӕвзист хъалацы, дыууадӕс сыгъзӕрин куысийы;

⁸⁵ дӕс ӕмӕ ӕхсӕзыссӕдз шекелы уӕзӕн — алы тӕбӕгъ дӕр, дӕс ӕмӕ ӕртиссӕдз шекелы уӕзӕн — алы хъалац дӕр; уыцы мигӕнӕнты ӕвзист ӕдӕппӕтӕй, кувӕндоны шекелтӕй баргӕйӕ, ӕрласта дыууӕ мин цыппарсӕдӕ шекелы.

⁸⁶ Хӕрздӕфгӕнӕнтӕй семыдзаг дыууадӕс сыгъзӕрин куысийы уӕз (алы куыси дӕр — кувӕндоны дӕс шекелы уӕзӕн) иумӕ уыди сӕдӕ дыууын сыгъзӕрин шекелы;

⁸⁷ иууылсудзинаг нывӕндтӕ ӕдӕппӕтӕй — дыууадӕс галы, дыууадӕс фыры, дыууадӕс фыргуисты; дыууадӕс цӕуы — тӕригъӕды нывондӕн;

⁸⁸ цыппар ӕмӕ ссӕдз галы, ӕртиссӕдз фыры, ӕртиссӕдз цӕуы, ӕртиссӕдз фыргуисты — фидыды нывӕндтӕ. Ахӕм хуынтӕ ӕрбахастой нывондхӕссӕн срухс кӕныны кадӕн йӕ байсӕрсты фӕстӕ.

⁸⁹ Моисей-иу куы бацыди Фембӕлды цатырмӕ, Дунедарӕгимӕ дзурынмӕ, уӕд-иу Фидыды Чырыны сӕрмӕ дыууӕ херувимы астӕуӕй хъуыста хъӕлӕс. Ахӕм хуызы дзырдта Дунедарӕг йемӕ.