Иовы чиныг 25 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

Билдады ӕртыккаг ныхас

¹ Уӕд ын дзуапп радта Билдад, шуахаг:

² «Уымӕ ис уӕлдӕр хицаудзинад, ӕмӕ Дзы куыннӕ тарстӕуа? Уый ӕвӕры дунейы уаг Йӕ бӕрзӕндӕй!

³ Йӕ уӕларвӕфсӕдтӕн нымӕц дӕр нӕй! Кӕй сӕрмӕ не скӕсы Йӕ рухс!

⁴ Адӕймаг Хуыцауы раз раст куыд уыдзӕн? Куыд уыдзӕн сыгъдӕг, сылгоймаг кӕй ныййардта, уый?

⁵ Мӕй дӕр ма, кӕс, Йӕ разы мынӕг куы у, стъалытӕ дӕр ӕнӕкъӕм куы не сты Йӕ разы!

⁶ Уӕлдайдӕр та адӕймаг — зулкъ йеддӕмӕ ницы у, адӕмы цот рӕмпӕгӕй уӕлдай не сты».