1 Азфыстытӕ 7 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

Иссахары хӕдзарвӕндаг

¹ Иссахарӕн уыди цыппар фырты: Тола, Пуа, Йашув ӕмӕ Шимрон.

² Толайы фырттӕ: Уззи, Рефайа, Йериел, Йахмай, Ивсам ӕмӕ Самуел, Толайы артӕй рацӕуӕг мыггӕгты хистӕртӕ, ӕхсарджын хӕстонтӕ. Давиды заман Толайы байзӕддӕгтӕ сӕ мыггӕгты номхыгъдмӕ гӕсгӕ баисты дыууын дыууӕ мин ӕхсӕзсӕдӕ.

³ Уззийы фырт — Израхиа. Израхиайы фырттӕ: Михаел, Овади, Иоел, Ишшиа. Фондзӕй дӕр уыдысты мыггӕгты хистӕртӕ.

⁴ Уыцы мыггӕгтӕм сӕ номхыгъдмӕ гӕсгӕ уыд ӕртын ӕхсӕз мин хӕстоны, уымӕн ӕмӕ Узийайы байзӕддагӕн бирӕ устытӕ ӕмӕ фырттӕ уыди.

⁵ Се ’рвадӕлтӕ дӕр, Иссахары иннӕ мыггӕгты адӕм, се ’ппӕт дӕр уыдысты ӕхсарджын хӕстонтӕ. Сӕ номхыгъдмӕ гӕсгӕ уыдысты ӕстай авд мины.

Бениамины хӕдзарвӕндаг

⁶ Бениаминӕн уыдис ӕртӕ фырты: Бела, Бехер ӕмӕ Йедиаел.

⁷ Белайы фырттӕ: Ецбон, Уззи, Уззиел, Йеримот ӕмӕ Ири. Фондзӕй дӕр уыдысты мыггӕгты хистӕртӕ, ӕхсарджын хӕстонтӕ. Сӕ мыггӕгты номхыгъды фыст ӕрцыди дыууын дыууӕ мин ӕртын цыппар лӕджы.

⁸ Бехеры фырттӕ: Земирах, Йоаш, Елиезер, Елйоенай, Омри, Йеремот, Авийа, Анатот, Алемет.

⁹ Сӕ байзӕддаджы номхыгъды, мыггаггай, фыст ӕрцыди ссӕдз мины ӕмӕ дыууӕсӕдӕ ӕхсарджын хӕстоны.

¹⁰ Йедиаелы фырт — Билхан. Билханы фырттӕ: Йеуш, Бениамин, Ехуд, Кенаана, Зетан, Таршиш, Ахишахар.

¹¹ Йедиаелы фырттӕ се ’ппӕт дӕр уыдысты мыггӕгты хистӕртӕ, ӕхсарджын хӕстонтӕ; сӕ мыггӕгты уыди ӕвддӕс мины ӕмӕ дыууӕсӕдӕ хӕстифтонг лӕджы.

¹² Иры фырттӕ: Шуппим ӕмӕ Хуппим. Ахеры фырт — Хушим.

Неффалимы хӕдзарвӕндаг

¹³ Неффалимы фырттӕ: Йахциел, Гуни, Йецер, Шаллум — Неффалимы мад Билхайы зӕнӕджы зӕнӕг.

Менассиайы хӕдзарвӕндаг

¹⁴ Менассиайы байзӕддӕгтӕ: йӕ арамейаг номылусӕй рацыди фырт Асриел, ноджы — Махир, Галаады фыд.

¹⁵ Махир ӕрхаста ус, йӕ ном — Мааха, Хуппим ӕмӕ Шуппимы хо. Махиры дыккаг фырт хуынди Цалфахад. Цалфахадӕн ӕрмӕстдӕр чызджытӕ уыд.

¹⁶ Махиры ус Мааха ныййардта фырт ӕмӕ йыл сӕвӕрдта ном Переш. Йе ’фсымӕры ном — Шереш. Шерешы фырттӕ: Улам ӕмӕ Рекем.

¹⁷ Уламы фырт хуынди Бедан. Адон сты Галаады байзӕддӕгтӕ, рацыдысты Менассиайы фырт Махиры артӕй.

¹⁸ Галаады хо Хаммолехет ныййардта Ишходы, Авиезеры ӕмӕ Махлайы.

¹⁹ Шемидайы фырттӕ: Ахйан, Шехем, Ликхи, Аниам.

Ефремы байзӕддӕгтӕ

²⁰ Ефремы фырт — Шутелах, уый фырт Беред, уый фырт Тахат, уый фырт Елада, уый фырт Тахат,

²¹ уый фырт Завад, уый фырт Шутелах. Ефремӕн ма уыди дыууӕ фырты: Езер ӕмӕ Елад. Амардтой сӕ Гаты адӕм, уыцы бӕстӕйы бынӕттон цӕрджытӕ, адон сын сӕ фос ратӕрынмӕ кӕй ныццыдысты, уый тыххӕй.

²² Бирӕ бонтӕ арвыста, уыдоныл кӕугӕйӕ, сӕ фыд Ефрем, ӕмӕ йӕм йе ’фсымӕртӕ ӕрцыдысты тӕфӕрфӕс ракӕнынмӕ.

²³ Фӕстӕдӕр Ефрем йӕ усимӕ ӕмуат ӕрцыд, ус банхъӕлцау ӕмӕ лӕппу ныййардта. Ефрем ыл сӕвӕрдта ном Бриа, уымӕн ӕмӕ бӕллӕх ӕрцыд йӕ хӕдзарыл.

²⁴ Ефремӕн уыди чызг дӕр — Шеера. Уый сарӕзта ӕртӕ сахары: Дӕллаг Бет-Хорон, Уӕллаг Бет-Хорон ӕмӕ Уззен-Шеера.

²⁵ Ефремӕн ма ноджыдӕр уыди фырттӕ: Рефах ӕмӕ Решеф. Решефы фырт — Телах, уый фырт Тахан,

²⁶ уый фырт Ладан, уый фырт Аммиуд, уый фырт Елишама,

²⁷ уый фырт Нун, уый фырт Йешуа.

²⁸ Ефремы байзӕддӕгты зӕххытӕ, сӕ цӕрӕнуӕттӕ, уыдысты: Вефил йӕ алыварс хъӕутимӕ, Вефилӕй скӕсӕнӕрдӕм — Нааран, ныгуылӕнӕрдӕм — Гезер йӕ алыварс хъӕутимӕ. Цӕгатӕрдӕм сӕ зӕххытӕ ӕххӕссыдысты Шехем ӕмӕ Айайы ӕмӕ уыдонӕн сӕ алыварс хъӕуты онг.

²⁹ Менассиайы байзӕддӕгты къухы уыдысты: Бет-Шеан, Таанах, Мегиддо ӕмӕ Дор сӕ алыварс хъӕутимӕ. Уыцы рӕтты цардысты Израилы фырт Йосефы байзӕддӕгтӕ.

Асиры хӕдзарвӕндаг

³⁰ Асиры фырттӕ: Имна, Ишва, Ишви ӕмӕ Бриа; сӕ хо — Серах.

³¹ Бриайы фырттӕ: Хевер ӕмӕ Малкиел, Бирзаиты бындурӕвӕрӕг.

³² Хеверӕн рацыди ӕртӕ фырты: Йафлет, Шомер ӕмӕ Хотам, стӕй иу чызг — Шуа.

³³ Йафлеты фырттӕ: Пасах, Бимхал ӕмӕ Ашват.

³⁴ Шемеры фырттӕ: Ахи, Рохга, Хубба, Арам.

³⁵ Шемеры ӕфсымӕр Хелемы фырттӕ: Цофах, Имна, Шелеш, Амал.

³⁶ Цофахы фырттӕ: Суах, Харнефер, Шуал, Бери, Имра,

³⁷ Бецер, Ход, Шамма, Шилша, Итран, Беера.

³⁸ Йетеры фырттӕ: Иефонне, Фиспа, Ара.

³⁹ Уллайы фырттӕ: Арах, Ханниел, Рици.

⁴⁰ Адон се ’ппӕт дӕр сты Асиры байзӕддӕгтӕ, мыггӕгты хистӕртӕ, ӕвзаргӕ лӕгтӕ, ӕхсарджын хӕстонтӕ, номдзыд ӕлдӕрттӕ. Асиры байзӕддӕгтӕй хӕстонты номхыгъды фыст ӕрцыд ӕхсӕз ӕмӕ ссӕдз мин лӕджы.