1 Азфыстытӕ 25 - Библи: Сыгъдӕг Фысты чингуытӕ: Рагон Фӕдзӕхст ӕмӕ Ног Фӕдзӕхст

Зарӕггӕнджыты къордтӕ

¹ Давид ӕмӕ дингӕнджыты хистӕртӕ Дунедарӕджы хӕдзары кусынӕн баурӕдтой Асафы, Хеманы ӕмӕ Йедутуны фыртты, цӕмӕй пехуымпариуӕг кӕной, хъисфӕндыртӕй, дыууадӕстӕнонтӕй ӕмӕ ӕмдзӕгъдгӕнӕнтӕй цӕгъдгӕйӕ. Мӕнӕ уыцы лӕггадгӕнджыты номхыгъд.

² Асафы цыппар фырты: Заккур, Йосеф, Нетаниа ӕмӕ Асарелӕ. Разамынд сын лӕвӕрдта Асаф, паддзахы разамындӕй пехуымпариуӕггӕнӕг.

³ Йедутуны фырттӕ: Гедалиа, Цери, Исайа, Шими, Хашавиа ӕмӕ Маттитиа, ӕхсӕз. Разамынд сын лӕвӕрдта сӕ фыд Йедутун, йӕ пехуымпариуӕгӕй ӕмӕ хъисфӕндыры цагъдӕй Дунедарӕгӕн кад ӕмӕ арфӕгӕнӕг.

⁴ Хеманы фырттӕ: Буккиа, Маттаниа, Уззиел, Шевуел, Иеримот, Хананиа, Ханани, Елиата, Гидалти, Ромамти-Езер, Иошбекаша, Маллоти, Хотир ӕмӕ Махазиот.

⁵ Адон се ’ппӕт дӕр паддзахы зонынджын Хеманы фырттӕ сты — Хуыцау ын зӕрдӕ бавӕрдта хъомыс раттынӕй ӕмӕ йын балӕвар кодта цыппӕрдӕс фырты ӕмӕ ӕртӕ чызджы.

⁶ Ацы зарӕггӕнджытӕ иууылдӕр, сӕ фыдӕлты разамындӕй, зарыдысты Дунедарӕджы хӕдзары, цагътой ӕмдзӕгъдгӕнӕнтӕй, дыууадӕстӕнонтӕй ӕмӕ хъисфӕндыртӕй. Афтӕмӕй, паддзахы разамындӕй лӕггад кодтой Хуыцауы хӕдзары. Асаф, Йедутун ӕмӕ Хеманӕн,

⁷ Дунедарӕджы кадӕн зарыны курдиатӕй чи фӕхайджын, ӕппӕт уыцы ӕрвад-ӕфсымӕртимӕ иумӕ сӕ нымӕц уыди дыууӕсӕдӕ ӕстай аст.

⁸ Сӕ куысты тыххӕй сӕппӕрстой хӕлттӕ: кӕстӕрӕй, хистӕрӕй, ахуыргӕнӕгӕй, ахуыргӕнинагӕй — иууылдӕр уыдысты ӕмбар.

⁹ Фыццаг схаудта Асафы фырт Йосефы хал, йемӕ йе ’фсымӕртӕ ӕмӕ йӕ фырттӕ — дыууадӕс лӕджы. Дыккаг хатт схаудта Гедалиайы хал, йемӕ йе ’фсымӕртӕ ӕмӕ йӕ фырттӕ — дыууадӕс лӕджы.

¹⁰ Ӕртыккаг хатт схаудта Заккуры хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹¹ Цыппӕрӕм хатт схаудта Ицрийы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹² Фӕндзӕм хатт схаудта Нетаниайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹³ Ӕхсӕзӕм хатт схаудта Буккиайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹⁴ Ӕвдӕм хатт схаудта Йесарелы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹⁵ Ӕстӕм хатт схаудта Йесаиайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹⁶ Фарӕстӕм хатт схаудта Маттаниайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹⁷ Дӕсӕм хатт схаудта Шимийы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹⁸ Иуӕндӕсӕм хатт схаудта Азарелы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

¹⁹ Дыууадӕсӕм хатт схаудта Хашавиайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁰ Ӕртындӕсӕм хатт схаудта Шуваелы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²¹ Цыппӕрдӕсӕм хатт схаудта Маттитиайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²² Фынддӕсӕм хатт схаудта Йеремоты хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²³ Ӕхсӕрдӕсӕм хатт схаудта Хананиайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁴ Ӕвддӕсӕм хатт схаудта Иошбекашайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁵ Ӕстдӕсӕм хатт схаудта Хананийы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁶ Нудӕсӕм хатт схаудта Маллотийы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁷ Ссӕдзӕм хатт схаудта Елиатайы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁸ Иу ӕмӕ ссӕдзӕм хатт схаудта Хотиры хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

²⁹ Дыууӕ ӕмӕ ссӕдзӕм хатт схаудта Гидалтийы хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

³⁰ Ӕртӕ ӕмӕ ссӕдзӕм хатт схаудта Махазиоты хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.

³¹ Цыппар ӕмӕ ссӕдзӕм хатт схаудта Ромамти-Езеры хал, йемӕ йӕ фырттӕ ӕмӕ йе ’фсымӕртӕ — дыууадӕс лӕджы.